Merkezi Aziýa ýurtlarynyň ilkinji parlamentara forumyny geljek ýylyň fewral aýynda Gazagystanyň Türkestan şäherinde guramak meýilleşdirilýär. Bu barada Gazagystanyň parlamentiniň Senatynyň (ýokarky palata) başlygy Maulen Aşimbaýew habar berdi diýip, bigasia.ru belleýär.
“2023-nji ýylyň fewral aýynyň birinji ýarymynda Türkestan şäherinde Merkezi Aziýa döwletleriniň ilkinji parlamentara forumyny geçirmek meýilleşdirilýär” – diýip, ol palatanyň mejlisinde aýtdy.
Aşimbaýew bu çäräniň sebitiň ýurtlarynyň parlamentara gatnaşyklarynyň pugtalandyrylmagyna goşmaça itergi berjekdigine umyt bildirdi.
