Serdar Berdimuhamedow «Russiýa — Merkezi Aziýa» birinji sammitina gatnaşyjy agza döwletleriň Baştutanlarynyň duşuşygyna gatnaşýar.
Astanada geçirilýän duşuşykda Russiýanyň, Gazagystanyň, Gyrgyzystanyň, Täjigistanyň, Türkmenistanyň we Özbegistanyň Prezidentleri dürli ugurlarda Russiýa Federasiýasynyň we Merkezi Aziýa döwletleriniň özara gatnaşyklaryny mundan beýläk-de ösdürmegiň meselelerini maslahatlaşýarlar.
Hususan-da, duşuşygyň gün tertibinde dowam edýän geosyýasy ýagdaýda umumy söwda-ykdysady bähbitleri goramagyň çäreleri we Owganystandaky ýagdaý çygrynda sebitleýin howpsuzlyk meseleleri maslahatlaşylýar.
Duşuşyk Russiýa Federasiýasy bilen Merkezi Aziýa ýurtlarynyň arasynda diplomatik gatnaşyklarynyň ýola goýulmagynyň 30 ýyllygynyň bellenilýän ýylynda geçirilýär.
