Berdimuhamedow "Hytaý-Merkezi Aziýa" onlaýn sammitine gatnaşdy

  • 25.01.2022 23:05
  • 6.3k+

25-nji ýanwarda “Hytaý-Merkezi Aziýa” görnüşinde döwlet Baştutanlarynyň sanly ulgam arkaly sammiti geçirildi. Ol Hytaý bilen Merkezi Aziýa döwletleriniň arasynda diplomatik gatnaşyklaryň ýola goýulmagynyň 30 ýyllygyna bagyşlandy. Hytaý Halk Respublikasynyň Başlygy Si Szinpiniň başlangyjy esasynda geçirilýän bu sammite Türkmenistanyň Prezidenti Gurbanguly Berdimuhamedow hem gatnaşdy.

Onlaýn duşuşyga Gyrgyz Respublikasynyň Prezidenti Sadyr Žaparow, Gazagystanyň Prezidenti Kasym-Žomart Tokaýew, Täjigistanyň Prezidenti Emomali Rahmon we Özbegistanyň Prezidenti Şawkat Mirziýoýew gatnaşdy. Sammitde çykyş eden HHR-iň Başlygy Si Szinpin Hytaý bilen Merkezi Aziýa ýurtlarynyň bäşisiniň arasyndaky üstünlikli hyzmatdaşlygyň açarynyň birek-birege hormat goýmak, hoşniýetli goňşuçylyk, dostluk, raýdaşlyk we özara bähbitlilik bolup durýandygyny belläp, hytaý tarapynyň Merkezi Aziýa döwletleri bilen gatnaşyklary has-da pugtalandyrmaga taýýardygyny beýan etdi.

Siz Szinpin öz çykyşynda Senagatçylar geňeşini döretmek, Hytaý we Merkezi Aziýa dostluk forumyny geçirmek babatdaky teklipleri beýan etdi. Bu teklipleriň Merkezi Aziýa bilen Hytaýyň arasynda ylym-bilim, medeniýet we syýahatçylyk ugurlarynda has ykjam gatnaşyklary ýola goýmaga ýardam etjekdigi bellenildi.

Hytaýyň we Merkezi Aziýanyň döwlet Baştutanlary ähli ugurlardaky hyzmatdaşlyk gatnaşyklaryny ara alyp maslahatlaşdylar. Hususan-da, energetika, ulag-aragatnaşyk, saglygy goraýyş, söwda-ykdysady ugurlardaky gatnaşyklaryň ýygjamlaşdyrylmagy babatda pikirler aýdyldy. 


şu gün 00:36
543

Balkan welaýaty Gazagystanyň Mangistau welaýaty bilen strategik hyzmatdaşlygyň maksatnamasy ylalaşyldy

28-nji awgustda Türkmenistanyň Balkan welaýatynyň häkimi Hojamyrat Aşyrmyradowyň ýolbaşçylygyndaky wekiliýet iş sapary bilen Gazagystanyň Mangistau welaýatyna bardy diýip, Türkmenistanyň DIM-nde habar berdiler...

düýn 19:50
3.9k+

Serdar Berdimuhamedow dört günlük iş sapary bilen Hytaýa bardy

Şu gün, 31-nji awgustda Prezident Serdar Berdimuhamedow Şanhaý Hyzmatdaşlyk Guramasynyň sammitine we Ýeňşiň 80 ýyllygyna bagyşlanan dabaralara gatnaşmak üçin dört günlük iş sapary bilen Hytaý Halk Respublikasynyň Týanszin şäherine geldi...

30.08.2025 18:33
11k+

Uly we Kiçi Balkan daglary gorag astyna alnyp, goraghanalar dörediler

Türkmenistanda özeni Uly Balkan dagynda ýerleşdirilen täze goraghananyň, Kiçi Balkan dagynda we Günorta Ustýurtda bolsa ýörite goraghanalaryň döredilmegi meýilleşdirilýär. Şol bir wagtyň özünde, ýerli maldarlaryň işlerini dowam etdirmekleri üçin Balkan gerşiniň etekleri we töweregindäki öri meýdanlar olaryň ygtyýarynda galar...

30.08.2025 18:18
5.5k+

"Türkmenhimiýa" DK ýod we brom öndürýän zawody gurmak boýunça bäsleşik yglan etdi

Türkmenistanda “Balkanabat” ýod zawodynyň Nebitdag-Monjukly känindäki çig mal bazasynyň durkuny täzelemek bilen, ýod, brom, we brom önümlerini öndürýän zawodynyň gurulmagy meýilleşdirilýär. "Türkmenhimiýa” döwlet konserni kärhananyň taslamasyny düzmek we ony doly gurmak boýunça halkara bäsleşik yglan etdi...