Aşgabatda Türkmenistanyň Garaşsyzlygynyň 30 ýyllygy mynasybetli dabaralaryň çäklerinde Prezident Gurbanguly Berdimuhamedow ýurdumyzyň öňden gelýän meşhur hyzmatdaş kompaniýalary bolan «Bouygues» fransuz kompaniýasynyň ýolbaşçysy Marten Buigi we «Çalyk Holding» türk kompaniýasynyň ýolbaşçysy Ahmet Çalygy kabul etdi.
Daşary ýurtly myhmanlar türkmen Liderini Türkmenistanyň Garaşsyzlyk ýubileýi hem-de Halk Maslahatynyň mejlisiniň üstünlikli geçirilmegi bilen gutlady.
Duşuşygyň barşynda hyzmatdaşlygyň ileri tutulýan ugurlary, şeýle hem täze bilelikdäki taslamalary durmuşa geçirmäge gatnaşmagyň mümkinçilikleri maslahatlaşyldy.
Belläp geçsek, «Bouygues» we «Çalyk Holding» kompaniýalary birnäçe iri taslamalary durmuşa geçirmäge işjeň gatnaşyp, uzak ýyllaryň dowamynda Türkmenistan bilen üstünlikli hyzmatdaşlyk edýärler.
