24-nji iýunda Fransiýada howanyň iň ýokary ortaça temperaturasy hasaba alyndy. Le Parisien neşiriniň habaryna görä, ýurt boýunça ortaça temperatura 30 gradusa ýetdi.
50-den gowrak departamentde temperatura 40 gradusa çenli ýokarlandy. Şeýle-de bolsa, ýurduň absolýut ýerli rekordy 2019-njy ýylda Fransiýanyň günortasyndaky Werarg kommunasynda bellige alnan rekord 46 gradus bolmagynda galýar.
25-nji iýun gijesi hem rekord derejede maýyl bolup, ortaça temperatura 21,6 gradus boldy.
Ýewropada howanyň adatdan daşary gyzmagy ilkinji gezek däl. Geçen ýylyň tomsunda Fransiýanyň günorta-günbatarynda temperatura howa kadasyndan 12 gradus ýokary boldy. Horwatiýada hem rekord temperatura hasaba alyndy, Italiýada bolsa 16 sany iri şäher üçin gyzyl derejeli howp yglan edildi.
Ýokary temperatura tokaý ýangynlarynyň ýaýramagyna sebäp berýär. 2025-nji ýylyň awgust aýyna çenli ýangynlar Ýewropada takmynan 400 000 gektar tokaýy ýok etdi, bu bolsa soňky 20 ýylyň ortaça görkezijisinden 87% ýokarydyr.
