Prezident Serdar Berdimuhamedow Aşgabat — Daşoguz awtomobil ýolunyň durkuny täzelemek baradaky teklibi makullady. Bu barada «Watan» habarlar gepleşiginde habar berildi.
Sanly ulgam arkaly geçirilen Hökümetiň nobatdaky mejlisiniň dowamynda hasabat bilen çykyş eden wise-premýer B. Annamämmedow bellenilen ýoly we onuň ugrundaky täze köprini gurmak boýunça halkara bäsleşigini geçirmek meýilnamalary barada habar berdi.
Türkmenistanyň Awtomobil ýollary ministrliginiň alyp barýan işleri baradaky hasabatynda wise-premýer ýol-ulag infrastrukturasyny döwrebaplaşdyrmak, üstaşyr geçelgeleri döretmek we dünýä ülňülerine laýyk gelýän desgalary gurmak barada aýtdy. Şunda ýurduň ulag mümkinçiliklerini giňeltmäge hem-de ýük we ýolagçy gatnawynda halkara hyzmatdaşlygyň täze derejesine çykmaga aýratyn üns berilýär.
Prezident Serdar Berdimuhamedow Aşgabat — Daşoguz awtomobil ýoluny ýurduň esasy ýollarynyň biri hökmünde häsiýetlendirdi. Döwlet Baştutany hödürlenen teklibi makullap, wise-premýere ähli zerur işleri geçirmegi tabşyrdy.
Döwlet Baştutany Aşgabat — Daşoguz awtomobil ýolunyň durkuny täzelemek baradaky teklibi makullady
- 21.02.2026 01:58
- 25k+
