9-njy oktýabrda günüň ikinji ýarymynda Duşenbede iş saparynda bolýan Prezident Serdar Berdimuhamedow «Merkezi Aziýa – Russiýa» ikinji Sammitiniň geçirilýän ýeri bolan Kabul edişlikler köşgüne bardy. Bu barada TDH habar berýär.
Bu ýerde Serdar Berdimuhamedowy Täjigistanyň Prezidenti garşylady.
Sammite gatnaşýan döwlet Baştutanlarynyň bilelikdäki resmi surata düşmek dabarasy tamamlanandan soňra, «Merkezi Aziýa – Russiýa» formatyndaky ýokary derejeli duşuşyk başlandy.
Täjigistanyň Prezidentiniň başlyklyk etmeginde geçirilýän duşuşyga şeýle hem Gazagystanyň, Gyrgyz Respublikasynyň, Özbegistanyň, Russiýa Federasiýasynyň Prezidentleri gatnaşýar.
