“Şadyýan gurluşyk” hojalyk jemgyýeti Tejen şäherinde 300 orunlyk etrabara köpugurly hassahanany we Daşoguz şäherinde 400 orunlyk Enäniň we çaganyň saglygyny goraýyş merkezini gurar.
Saglygy goraýyş we derman senagaty ministrligi degişli desgalaryň taslamasyny düzmek hem-de ony döwrebap lukmançylyk enjamlary, ätiýaçlyk şaýlar we sarp ediş serişdeleri bilen üpjün etmek, hünärmenleri ýörite taýýarlamak, ýanaşyk ýerlerini abadanlaşdyryp gurmak barada “Şadyýan gurluşyk” hojalyk jemgyýeti bilen şertnama baglaşar. Munuň üçin ygtyýar berýän resminamalara Prezident Serdar Berdimuhamedow gol çekdi.
Gurluşyk işlerine 2025-nji ýylyň oktýabr aýynda başlamak we desgalaryň ikisini hem 2028-nji ýylyň oktýabr aýynda ulanmaga doly taýýar edip tabşyrmak bellenildi.
