3-nji oktýabrda Hökümet mejlisiniň barşynda Prezident Serdar Berdimuhamedow Türkmenistanyň daşary ýurtlardaky diplomatik wekilhanalarynda wezip üýtgeşmelerini geçirdi.
Gol çekilen resminamalara laýyklykda, Muhammetgeldi Nurberdiýewiç Aýazow Türkmenistanyň Saud Arabystany Patyşalygyndaky (Er-Riýad şäheri) Adatdan daşary we Doly ygtyýarly ilçisi wezipesine bellenildi. Ondan öň, M.Aýazow Türkmenistanyň Ermenistandaky we Liwan Respublikasyndaky ilçisi wezipelerini ýerin ýetirýärdi.
Şeýle hem Orazmuhammet Atajanowiç Çaryýewi, başga işe geçmegi sebäpli, Türkmenistanyň Saud Arabystany Patyşalygyndaky (Er-Riýad şäheri), Bahreýn Patyşalygyndaky, Palestina Döwletindäki, Iordaniýa Haşimit Patyşalygyndaky, Oman Soltanlygyndaky, Müsür Arap Respublikasyndaky ilçisi hem-de Türkmenistanyň Yslam Hyzmatdaşlyk Guramasynyň ýanyndaky hemişelik wekili wezipelerinden boşadyldy.
