3-nji oktýabrda Prezident Serdar Berdimuhamedow sanly ulgam arkaly Ministrler Kabinetiniň mejlisiniň barşynda ýakynda ýurdumyzda täze döredilen etraplaryň häkimlerini bellemek hakynda resminamalara gol çekdi. Bu barada "Watan" habarlar gepleşiginde habar berildi.
Resminamalara laýyklykda, şu aşakdaky etraplara täze häkimler bellenildi:
- Guwançgeldi Döwletgeldiýewiç Myradow Ahal welaýatynyň Altyn asyr etrabynyň häkimi wezipesine;
- Polat Kakajanowiç Atakow Daşoguz welaýatynyň Gubadag etrabynyň häkimi wezipesine;
- Şageldi Gurbandurdyýewiç Saparow Daşoguz welaýatynyň Saparmyrat Türkmenbaşy etrabynyň häkimi wezipesine;
- Merdan Toýlimuradowiç Jumamuradow Daşoguz welaýatynyň Garaşsyzlyk etrabynyň häkimi wezipesine;
- Nowruz Annageldiýewiç Allakulyýew Lebap welaýatynyň Döwletli etrabynyň häkimi wezipesine;
- Guwanç Annageldiýewiç Kadyrow Lebap welaýatynyň Garabekewül etrabynyň häkimi wezipesine;
- Serdar Baýramowiç Ýumitow Lebap welaýatynyň Farap etrabynyň häkimi wezipesine;
- Ýusupguly Aşyrgulyýewiç Eşşäýew Mary welaýatynyň Oguzhan etrabynyň häkimi wezipesine bellenildi.
