Prezident Serdar Berdimuhamedow Ahal, Daşoguz, Lebap we Mary welaýatlarynyň dolandyryş-çäk bölünişiginiň üýtgemegi bilen bagly käbir etrap kazyýetlerini hem-de prokuraturalaryny döretmek hakynda kararlara gol çekdi.
Resminamalar «Kazyýet hakynda» hem-de “Türkmenistanyň prokuraturasy hakynda” Türkmenistanyň Kanunlaryna laýyklykda kabul edildi.
Resminamalara laýyklykda, Türkmenistanyň ähli kazyýetleriniň kazylarynyň we kazyýet işgärleriniň, şeýle hem prokuratura edaralarynyň umumy işgär sanynyň çäklerinde Ahal welaýatynyň Altyn asyr etrap, Daşoguz welaýatynyň Garaşsyzlyk we Gubadag etrap, Lebap welaýatynyň Döwletli, Farap we Garabekewül etrap, Mary welaýatynyň Oguzhan etrap kazyýetleri we prokuraturalary döredildi.
Türkmenistanyň Maliýe we ykdysadyýet ministrligi resminamadan gelip çykýan üýtgetmeleri Türkmenistanyň 2025-nji ýyl üçin Döwlet býujetine girizer.
