Merkezi Aziýa döwletleriniň Baştutanlarynyň ýedinji Konsultatiw duşuşygyna taýýarlyk boýunça forum geçirildi

  • 05.08.2025 14:06
  • 7.4k+

Şu gün Awazada ýerleşýän Kongres merkezinde Merkezi Aziýa döwletleriniň Baştutanlarynyň ýedinji Konsultatiw duşuşygyna taýýarlyk görmek bilen bagly çäre geçirildi. Forum Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde geçirildi.

Bu çäre Hazar deňziniň türkmen kenarynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň çäginde geçirildi.
Geçen ýyllarda geçirilen Merkezi Aziýa döwletleriniň Baştutanlarynyň Konsultatiw duşuşyklary sebit hyzmatdaşlygynyň netijeli dialogynyň formasy hökmünde özüni doly derejede görkezdi. Bu duşuşyklar häzirki döwrüň wezipelerini hem-de uzakmöhletli maksatlary nazara almak bilen, hyzmatdaşlygyň ileri tutulýan ugurlary boýunça ylalaşylan çemeleşmeleri işläp taýýarlamaga ýardam edýär.

Forumyň açylyşynda eden çykyşynda Gurbanguly Berdimuhamedow BMG-niň üçünji maslahatyna gatnaşmak baradaky çakylyga jogap beren hem-de häzirki duşuşyga gatnaşan döwlet Baştutanlaryna minnetdarlyk bildirdi. Ol häzirki forumyň Tähranda geçirilmegi meýilleşdirilýän ýedinji Konsultatiw duşuşygyna taýýarlyk tapgyrydygyny aýtdy.
Çäräniň dowamynda Özbegistanyň Prezidenti Şawkat Mirziýoýew Türkmenistanyň “Hyzmatdaşlygy ösdürmäge goşandy üçin” ordeni bilen sylaglanyldy.


şu gün 16:22
1.4k+

Merkezi Aziýa döwletleriniň ilçileri Türkmenistanyň Yslamabatdaky ilçihanasynda teglek stol geçirdiler

26-njy awgustda Türkmenistanyň Pakistan Yslam Respublikasyndaky (Yslamabat şäheri) ilçihanasynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň netijelerine bagyşlanan tegelek stol maslahaty geçirildi...

şu gün 16:18
1.2k+

Türkmenistanyň ilçisiniň Irlandiýa iş saparyny amala aşyrdy

25-nji awgustda Türkmenistanyň Irlandiýadaky ilçisi Ýa.Serýaýew (oturýan ýeri London ş.) Dublin şäherine iş saparyny amala aşyrdy. Bu barada Türkmenistanyň DIM-niň saýtynda habar berilýär. Saparyň dowamynda ilçi Irlandiýanyň Daşary işler we söwda ministrliginiň Protokol bölüminiň başlygynyň orunbasary Ralf Wiktor bilen duşuşdy we ynanç hatynyň nusgalaryny gowşurdy...

şu gün 15:41
3.1k+

Moskwada Raşid Meredowyň we Sergeý Lawrowyň duşuşygy geçirildi

28-nji awgustda Moskwada Türkmenistanyň daşary işler ministri Raşid Meredow bilen Russiýa Federasiýasynyň daşary işler ministri Sergeý Lawrowyň arasynda duşuşyk geçirildi. Daşary syýasat edaralarynyň ýolbaşçylary çuňňur strategik hyzmatdaşlygyň ýörelgelerine esaslanýan döwletara dialogyň netijeli häsiýetini kanagatlanma bilen bellediler...

düýn 17:40
9.3k+

Aşgabatda Ankara köçesiniň durkuny täzelemek boýunça tender yglan edildi

Türkmenistanyň Gurluşyk we binagärlik ministrligi Aşgabatda Ankara köçesiniň durkuny täzelemek boýunça halkara bäsleşik yglan etdi. Bu barada «Türkmenistan» gazetinde habar berilýär. Gyzyklanma bildirýän kompaniýalaryň we guramalaryň teklipleri bellenilen tertipde kabul edilýär...