4-nji awgustda BMG-niň Deňze çykalgasy bolmadyk ösüp barýan döwletler boýunça üçünji maslahatynynyň çäginde Türkmenistanyň daşary işler ministri Raşid Meredow BMG-niň Baş Assambleýasynyň 79-njy mejlisiniň başlygy Filemon Ýang bilen duşuşyk geçirdi.
Duşuşygyň dowamynda taraplar Türkmenistan bilen BMG-niň arasyndaky hyzmatdaşlygyň ileri tutulýan ugurlaryny ara alyp maslahatlaşdylar.
Filemon Ýang Türkmenistanyň BMG-niň Tertipnamasyna we halkara hukuk kadalaryna ygrarlydygyny nygtady.
Taraplar BMG-niň Baş Assambleýasynyň «Türkmenistanyň hemişelik bitaraplygy» atly üçünji Kararnamasynyň kabul edilmeginiň aýratyn ähmiýetini kanagatlanma bilen bellediler. Bu bolsaTürkmenistanyň parahatçylyk söýüjilikli daşary syýasy strategiýasyna giň halkara goldawynyň aýdyň tassyklamasy boldy.
R.Meredow oňyn bitaraplygyň aýyrman tersine özara gatnaşyklaryň ösmegine itergi berýändigini we dürli ugurlarda hyzmatdaşlyk üçin täze gözýetimleri açýandygyny nygtady.
Bäş günüň dowamynda «Awaza» milli syýahatçylyk zolagynyň ara alyp maslahatlaşmalar we konstruktiw hyzmatdaşlyk üçin platforma öwrüljekdigi bellenildi.
