1-nji iýulda Türkmenistanyň daşary işler ministri Raşid Meredow bilen Burkina-Fasonyň Daşary işler, sebit hyzmatdaşlygy we daşary ýurtlardaky burkinalylaryň işleri boýunça ministri jenap Karamoko Žan-Mari Traoreniň arasynda telefon arkaly söhbetdeşlik geçirildi.
Daşary syýasat edaralaryň ýolbaşçylary şu ýylyň awgustynda «Awaza» milli syýahatçylyk zolagynda geçiriljek Deňze çykalgasy bolmadyk ösüp barýan ýurtlar boýunça üçünji maslahatyna taýýarlyk meselelerine aýratyn üns berdiler.
Taraplar iki ýurduň arasyndaky ikitaraplaýyn gatnaşyklaryň ösüşiniň geljegine garadylar. Syýasy, ykdysady we medeni-ynsanperwer ugurlarda hyzmatdaşlygy pugtalandyrmagyň mümkinçilikleri bellenildi. Köptaraplaýyn düzümleriň, hususan-da BMG-niň we Yslam hyzmatdaşlyk guramasynyň çägindäki hyzmatdaşlyk ara alnyp maslahatlaşyldy.
