Daşkentde Merkezi Aziýa ýurtlary we ÝUNISEF çagalaryň hukuklaryny goramak boýunça tejribe alyşdylar

  • 29.05.2025 16:09
  • 1.5k+

27-nji maýda Daşkent şäherinde Çagalary goramagyň halkara gününe bagyşlanyp, “Çagalaryň hatyrasyna dialog: Merkezi Aziýa we ÝUNISEF” atly ýokary derejeli forum geçirildi. Forumy Özbegistanyň Saglygy goraýyş ministrligi, “Zamin” halkara jemgyýetçilik gaznasy hem-de BMG-niň Çagalar gaznasy (ÝUNISEF) gurady.

Forumuň işine Merkezi Aziýa ýurtlarynyň ugurdaş edaralarynyň ýolbaşçylary, halkara guramalarynyň hem-de jemgyýetçilik birleşikleriniň wekilleri gatnaşdylar.
Türkmenistanyň DIM-niň habar bermegine görä, çärede Türkmenistana wekilçilik eden saglygy goraýyş we derman senagaty ministriniň orunbasary A.Öwezow öz çykyşynda Türkmenistanyň çagalaryň saglygyny goramaga, olaryň hukuklaryny üpjün etmäge hem-de ösüp gelýän ýaş nesiller üçin howpsuz we abadan jemgyýeti döretmäge gönükdirilen döwlet syýasaty barada giňişleýin maglumat berdi. Şeýle hem halkara hyzmatdaşlygynyň möhümdigi bellenilip geçildi, hususan-da, ÝUNISEF bilen gatnaşyklaryň çäklerinde gazanylan üstünliklere üns çekildi.
Forumyň dowamynda oňa gatnaşyjylar tejribe alyşdylar, çagalara gönükdirilen döwlet maksatnamalarynyň ýerine ýetirilişini, şeýle hem bu ugurdaky sebitleýin hyzmatdaşlygy ösdürmek bilen bagly bolan meseleleri ara alyp maslahatlaşdylar.


şu gün 10:20
380

Türkmenistan Owganystanda ýertitremeden ejir çekenlere ynsanperwerlik kömegini iberer

Türkmenistan doganlyk owgan halkyna, ilkinji nobatda, Owganystanyň ýertitremeden ejir çeken çagalaryna we ýaşaýjylaryna däri-dermanlary, azyk we iýmit, egin-eşik önümlerini, durmuşda zerur bolan beýleki önümleri ynsanperwerlik kömegi hökmünde iberer...

düýn 18:43
5.8k+

Türkmenistanyň maýa goýum forumynyň geçiriljek ýeri Aşgabatdan Awaza geçirildi

2025-nji ýylda Türkmenistanyň Maýa goýum forumyny (TIF 2025) geçirmek boýunça guramaçylyk komiteti çäräniň geçiriljek ýerini üýtgetdi. Forum 18–19-njy sentýabrda Hazar deňziniň kenaryndaky Awaza syýahatçylyk zolagynyň maslahatlar merkezinde geçiriler...

düýn 11:06
3k+

Türkmenistanda güýzlük bugdaý ekişi başlandy

3-nji sentýabrda Türkmenistanda güýzlük bugdaý ekişine girişildi. Prezident Serdar Berdimuhamedowyň ak pata bermegi bilen, bu möhüm oba hojalyk möwsümi Türkmenistanyň ähli welaýatlarynda birbada badalga aldy. Hormatly ýaşulular Beýik Biribardan ak bugdaýyň bol hasylyny dileg edip, ekişe badalga berdiler...

03.09.2025 15:53
2.1k+

Türkmenistanyň wekiliýeti Sloweniýada Bled strategik forumynyň işine gatnaşdy

1–2-nji sentýabrda Sloweniýanyň Bled şäherinde Bled strategik forumy geçirildi. Forumyň işine Türkmenistanyň daşary işler ministriniň orunbasary Mähri Bäşimowanyň ýolbaşçylygyndaky türkmen wekiliýeti gatnaşdy diýip, Türkmenistanyň DIM-nde habar berdiler...