Kopengagen iň bagtly ilatly şäherleriň reýtinginde birinji orny eýeledi. 200 şäherden ybarat reýting Londonyň durmuşyň hili instituty tarapyndan taýýarlanyldy.
Analitikler reýtingi alty görkezijä esaslanyp düzdüler. Olar şäherleriň umumy abadançylygyny (durmuşdan kanagatlanmak), býurokratik taraplaryny (dolandyryş hilini), daşky gurşawynyň ýagdaýyny, ykdysadyýetini, ilatynyň saglygyny we hereketliliginiň derejesini bahalandyrdylar.
Daniýanyň paýtagty ekologiýa we ilatyň ýokary kanagatlanma derejesi sebäpli, iň ýokary bahalary aldy.
Şäherleriň ilkinji onlugy we olaryň iň ösen taraplary:
- Kopengagen, Daniýa (1039 bal): ilatyň abadançylygy (237), daşky gurşaw (192).
- Sýurih, Şweýsariýa (993 bal): ilatyň abadançylygy (256), dolandyryş (185).
- Singapur (979 bal): dolandyryş (192), ykdysadyýet (174).
- Orhus, Daniýa (958 bal): ilatyň abadançylygy (233), daşky gurşaw (170).
- Antwerpen, Belgiýa (956 bal): ilatyň abadançylygy (258), dolandyryş (205).
- Seul, Günorta Koreýa (942 bal): ilatyň abadançylygy (260), dolandyryş (206).
- Stokgolm, Şwesiýa (941 bal): ilatyň abadançylygy (270), dolandyryş (183).
- Taýbeý, Taýwan (936 bal): dolandyryş (210), daşky gurşaw (192).
- Mýunhen, Germaniýa (931 bal): ilatyň abadançylygy (250), saglyk (176).
- Rotterdam, Niderlandlar (920 bal): daşky gurşaw (188), saglyk (176).
Analitikleriň bellemegine görä, reýtingiň liderleri şäher gurşawynyň ähli taraplaryny deňagramly ösdürmek arkaly ýokary ýaşaýyş derejesini üpjün edýärler.
