7-nji martda Türkmenistanyň daşary işler ministri Raşid Meredow Gruziýanyň Premýer-ministriniň ýolbaşçylygyndaky wekiliýetiň düzüminde Türkmenistana gelen Gruziýanyň Daşary işler ministri hanym Maka Botçorişwili bilen duşuşdy.
Türkmenistanyň DIM-niň habar bermegine görä, taraplar Gruziýanyň Premýer-ministri Irakli Kobahidzäniň häzirki wagtda Türkmenistana amala aşyrýan saparynyň döwletara gatnaşyklary ösdürmekde möhüm orny eýeleýändigini nygtadylar.
Ministrler 2025-nji ýylyň dowamynda geçirilmegi meýilleşdirilýän bilelikdäki çäreleri ara alyp maslahatlaşdylar.
Taraplar işjeň dialogyň hem-de edara ýolbaşçylary we bölüm müdirleri derejesinde geçirilýän yzygiderli geňeşmeleriň üsti bilen daşary syýasat edaralarynyň arasyndaky hyzmatdaşlygy dowam etmäge ygrarlylygy beýan etdiler.
Şu gün şeýle hem ministrler Türkmenistanyň Daşary işler ministrligi bilen Gruziýanyň Daşary işler ministrliginiň arasynda 2025-2026-njy ýyllarda hyzmatdaşlyk etmek boýunça Maksatnama gol çekdiler.
