Türkmenistanyň Hindistan Respublikasyndaky Adatdan daşary we Doly ygtyýarly ilçisi Şalar Geldynazarow, şol bir wagtyň özünde ýurduň Maldiwler Respublikasyndaky diplomatik wekilhanasynyň ýolbaşçysy wezipesine hem bellendi. Bu barada TDH habar berdi.
Degişli Permana Türkmenistanyň Prezidenti Serdar Berdimuhamedow gol çekdi.
Maldiwler — Hindi ummanynyň ekwatorial suwlarynda ýerleşýän, Günorta Aziýanyň özboluşly ada döwletidir. Bu ýurt özüniň ak çägeli kenarlary, firuza reňkli ýalpak suwlary we baý suwasty dünýäsi bilen planetanyň iň esasy syýahatçylyk ugurlarynyň biri hökmünde tanalýar.
Şalar Geldynazarow Türkmenistanyň bu ýurtda ilkinji ilçisi bolar.
