Şanhaýda robotlar üçin okuw merkezi açyldy

  • 26.01.2025 23:26
  • 8.1k+

Hytaýda ilkinji gezek gumanoid (adam şekilli) robotlar üçin okuw merkezi açyldy. Häzirki wagtda Şanhaýdaky okuw meýdanynda bir wagtda 100 sany roboty okatmak mümkin. 2027-nji ýyla çenli bolsa bu sanyň 1000-e çenli ýokarlandyrylmagy meýilleşdirilýär diýip, Global Times neşiri habar berýär.

Okuw merkezi 2025-nji ýylyň dowamynda robotlaryň fiziki görkezijileri bilen baglanyşykly 10 million sany ýokary hilli maglumat toplamagy maksat edinýär. Bu maglumatlar robotlaryň öwreniş prosesini kämilleşdirmäge kömek eder.
Hytaýda gumanoid robotlaryň bazary 2024-nji ýylda 2,76 milliard ýuan (takmynan, 379 million dollar) diýlip bahalandyryldy. 2025-nji ýylyň dowamynda bu bazaryň umumy bahasynyň 16,7 milliard ýuana (takmynan, 2,3 milliard dollara), 2030-njy ýyla çenli bolsa 86,1 milliard ýuana (takmynan, 11,9 milliard dollara) ýetmegine garaşylýar.
Şeýle hem okuw merkezi, «Deep Snake» (Çuň Ýylan) atly gumanoid robotyň ikinji wersiýasyny hödürlemäge taýýarlyk görýär.
Şeýle-de, Hytaýyň paýtagty Pekin şäherinde ýene birnäçe aýdan gumanoid robotlaryň gatnaşmagynda ýarym marafon ýaryş geçirmek meýilleşdirilýär. Aprel aýynda «Týangun» atly dünýäniň ilkinji doly ölçegli, elektrikli gumanoid roboty Pekinde marafon ylgar. Uzynlygy 1,63 metr bolan bu robot yzygiderli 6 km/sag tizlikde ylgap bilýär.


26.11.2025 11:15
2k+

Türkmen alymlary alunitiň, tozganyň we rozmariniň binýadynda fitomineral bejeriş gelini işläp taýýarladylar

Türkmenistanyň Maliýe we ykdysadyýet ministrliginiň Intellektual eýeçilik boýunça döwlet gullugy «Alunitiň, tozganyň (Taraxacum officinale) we rozmariniň (Rosmarinus officinalis) fitomineral bejeriş geli» atly işläp taýýarlamak tehnologiýasyna awtorlyk hukugyny bellige aldy...

26.11.2025 10:04
1.9k+

Garaharsaň hatda adatdan daşary kosmos şertlerinde-de ýaşaýşa ukyply bolup çykdy

Physcomitrium patens garaharsaň (moh) görnüşiniň sporalary Halkara kosmos stansiýasynyň daşynda dokuz aý bolandan soň hem ýaşaýşa ukyply bolup galdy. Kosmosda wagty olar wakuuma, temperatura üýtgemelerine, mikrograwitasiýa, ultrabenewşe şöhlelerine we kosmos radiasiýasyna sezewar boldy diýlip, iScience žurnalyndaky täze makalada aýdylýar...

24.11.2025 13:51
6.6k+

Alymlar Santorinidäki 25 müňden gowrak ýertitremäniň sebäbini anyklady

Şu ýylyň başynda Santorini grek adasynda köpüsiniň ululygy 5 baldan geçýän onlarça müň ýertitreme bolup geçdi. Indi birnäçe aýdan soň alymlar bu hadysanyň sebäbini anyklady – ol magmanyň, ýagny erän dag jynsynyň ýerasty hereketi boldy diýip, Bi-bi-si habar berýär...

24.11.2025 13:43
3.7k+

Halkara nebit we gaz uniwersitetinde ýaşlaryň arasynda robot tehnikasy boýunça bäsleşik geçirildi

21-22-nji noýabrda Ýagşygeldi Kakaýew adyndaky Halkara nebit we gaz uniwersitetinde ýaşlaryň arasynda robot tehnikasy boýunça bäsleşik geçirildi. Bilim ministrligi tarapynda guralan bu bäsleşige Türkmenistanyň dürli künjeginden ýaşlaryň 300-e golaýy öz taýýarlan robotlary bilen gatnaşdy...