Şu gün, 16-njy ýanwarda Türkmenistanyň wise-premýeri, daşary işler ministri Raşid Meredow Gazagystanyň Premýer-ministriniň orunbasary, daşary işler ministri Murat Nurtleu bilen telefon arkaly söhbetdeşlik geçirdi.
Türkmenistanyň DIM-niň habar bermegine görä, taraplar syýasy-diplomatik, söwda-ykdysady we medeni-ynsanperwer ugurlarda ikitaraplaýyn hyzmatdaşlyga degişli köp sanly meseleleri ara alyp maslahatlaşdylar.
Şol bir wagtyň özünde, daşary syýasat edaralaryň ýolbaşçylary halkara gün tertibiniň möhüm ugurlary boýunça pikir alyşdylar hem-de sebit we halkara gurluşlaryň çäklerindäki özara gatnaşyklary dowam etdirmegiň möhümdigini tassykladylar.
