Prezident Serdar Berdimuhamedow “Türkmenawtoulaglary” agentligine awtobuslary satyn almak boýunça Hytaý Halk Respublikasynyň “Yutong Bus Сo.,Ltd.” kompaniýasy bilen şertnama baglaşmaga ygtyýar berdi. Degişli Karara döwlet Baştutany 10-njy ýanwarda Hökümet mejlisinde gol çekdi.
Resminama laýyklykda, Ministrler Kabinetiniň ýanyndaky Ulag we kommunikasiýalar agentliginiň «Türkmenawtoulaglary» agentligi «Yutong ZK6128HG» kysymly 700 sany awtobusy satyn almak barada Hytaý Halk Respublikasynyň «Yutong Bus Сo., Ltd.» kompaniýasy bilen şertnama baglaşar.
Bellenilişi ýaly, bu resminama ýolagçylary gatnatmak boýunça ýerine ýetirilýän hyzmatlaryň möçberini artdyrmak we hilini has-da ýokarlandyrmak maksady bilen kabul edildi.
