12-nji dekabrda Türkmenistanyň daşary işler ministri Raşid Meredow Şweýsariýa Konfederasiýasynyň Türkmenistandaky Adatdan daşary we Doly ygtyýarly ilçisi Tomas Ştel bilen duşuşdy.
Türkmenistanyň DIM-niň metbugat gullugynyň habar bermegine görä, duşuşygyň barşynda taraplar iki ýurduň arasyndaky syýasy-diplomatik, söwda-ykdysady we medeni-ynsanperwer hyzmatdaşlygyň geljegi uly ugurlaryna garadylar.
Gepleşikler tamamlanandan soňra ikitaraplaýyn resminamalara gol çekildi.
Hususan-da,
- Türkmenistanyň Hökümeti bilen Şweýsariýanyň Federal Geňeşiniň arasynda diplomatik we gulluk pasportlarynyň eýeleri üçin wiza talaplaryny özara ýatyrmak hakynda Ylalaşyga;
- Türkmenistanyň Hökümeti bilen Şweýsariýanyň Federal Geňeşiniň arasynda rugsatsyz ýaşaýan adamlaryň readmissiýasy hakynda Ylalaşyga gol çekildi.
Ilçi diplomatik işini Baku şäherinde oturýan ýerinden alyp barýar.
