Türkmenistanyň we Hytaýyň daşary işler ministrleri hyzmatdaşlyk hakynda Ähtnama gol çekdiler

  • 02.12.2024 09:56
  • 4.5k+

30-njy noýabrda Türkmenistanyň daşary işler ministri Raşid Meredow Hytaýyň daşary işler ministri Wan I bilen duşuşdy. Duşuşyk Hytaýyň Syçuan welaýatynyň Çendu şäherinde “Merkezi Aziýa - Hytaý” görnüşindäki Daşary işler ministrleriniň bäşinji duşuşygynyň çäginde geçirildi diýip, türkmen daşary syýasat edarasynyň saýtynda habar berilýär.

Duşuşygyň barşynda daşary syýasat edaralarynyň ýolbaşçylary ozal gazanylan ikitaraplaýyn ylalaşyklaryň durmuşa geçirilişini ara alyp maslahatlaşdylar.
Bu duşuşygyň ählitaraplaýyn strategiki häsiýete eýe bolan türkmen-hytaý dostluk gatnaşyklarynyň häzirki ýagdaýy barada pikir alyşmak üçin amatly mümkinçilik bolandygy bellenildi. Ministrler türkmen-hytaý hökümetara hyzmatdaşlyk toparynyň döwletara gatnaşyklaryň netijeli guralydygyny nygtadylar.
Şeýle hem diplomatlar halkara we sebitleýin düzümleriň çäginde Türkmenistan bilen Hytaýyň arasyndaky köptaraplaýyn dialogyň netijeliligini bellediler.  “Merkezi Aziýa - Hytaý” formatynyň netijeliligi nygtaldy. Şunuň bilen baglylykda, taraplar 2025-nji ýylda Astana şäherinde geçiriljek “Merkezi Aziýa - Hytaý” döwlet Baştutanlarynyň ikinji sammitine taýýarlyk meselesini ara alyp maslahatlaşdylar.
Daşary syýasat edaralarynyň ýolbaşçylary söwda-ykdysady ugurda netijeli hyzmatdaşlygy bellediler, energetika, ulag-aragatnaşyk özara arabaglanyşygy, medeni-ynsanperwer ugurlar boýunça bilelikdäki işleriň gidişini seljerdiler.
Duşuşygyň netijeleri boýunça Türkmenistanyň Daşary işler ministrligi bilen Hytaý Halk Respublikasynyň Daşary işler ministrliginiň arasynda 2025-2026-njy ýyllar üçin Hyzmatdaşlyk etmek hakynda Ähtnama gol çekildi.


düýn 22:01
873

Türkmenistanyň ylmy wekiliýeti Rimde möhüm senelere bagyşlanan çärelere gatnaşdy

25-nji noýabrda Türkmenistanyň Ylymlar akademiýasynyň Prezidenti A.Aşirowyň ýolbaşçylygyndaky türkmen wekiliýeti Italiýada ýerleşýän Palasso Walentini köşgünde geçirilen halkara maslahata gatnaşdy. Türkmenistanyň...

düýn 09:25
916

Türkmenistan YHG-nyň daşary işler ministrleriniň geňeşiniň 29-njy mejlisinde çykyş etdi

Daşary işler ministriniň orunbasary Ahmet Gurbanowyň ýolbaşçylygyndaky Türkmenistanyň wekiliýeti 28-nji noýabrda wideoaragatnaşyk ulgamy arkaly geçirilen Ykdysady Hyzmatdaşlyk Guramasynyň (YHG) Daşary işler ministrleriniň geňeşiniň 29-njy mejlisine gatnaşdy...

düýn 09:21
2.4k+

Almatyda Merkezi Aziýa ýurtlarynyň daşary işler ministrleriniň orunbasarlarynyň 15-nji duşuşygy geçirildi

28-nji noýabrda Almaty şäherinde Merkezi Aziýa ýurtlarynyň Daşary işler ministrleriniň orunbasarlarynyň 15-nji duşuşygy geçirildi. Duşuşyk Gazagystanyň Daşary işler ministrligi tarapyndan BMG-niň Merkezi Aziýa üçin öňüni alyş diplomatiýasy boýunça Sebit merkeziniň (UNRCCA) ýardam bermeginde guraldy diýip, Türkmenistanyň DIM-nde habar berdiler...

düýn 09:16
6.4k+

Türkmenistanda maýningi we kriptobiržalaryň işini düzgünleşdirýän kanun kabul edildi

Türkmenistanyň Prezidenti Serdar Berdimuhamedow ýurtda kriptowalýutalaryň maýningini we kriptobiržalaryň işini düzgünleşdirýän "Wirtual aktiwler hakynda" Türkmenistanyň Kanunyna gol çekdi. Resminama 2026-njy ýylyň 1-nji ýanwaryndan güýje girer diýip, «Türkmenistan» gazeti habar berýär...