Balkan welaýatynyň Türkmenbaşy şäherinde “Türkmennebit” döwlet konserniniň işgärleri üçin 4 sany 4 gatly, 40 öýli ýaşaýyş jaýyny gurmak göz öňünde tutulýar. Bu barada wise-premýer B.Amanow Hökümet mejlisiniň barşynda aýtdy diýip, TDH habar berýär.
Wise-premýer döwlet Baştutanyna «Türkmennebit» döwlet konserniniň işgärleriniň ýaşaýyş-durmuş şertlerini mundan beýläk-de gowulandyrmak boýunça alnyp barylýan işler barada hasabat berdi. Şunuň bilen baglylykda, wise-premýer döwlet Baştutanynyň garamagyna degişli teklibi hödürledi.
Türkmenistanyň Prezidenti ýurdumyzda raýatlaryň ýaşaýyş-durmuş şertlerini has-da gowulandyrmak maksady bilen, döwrebap ýaşaýyş jaýlarynyň yzygiderli gurulýandygyny belledi. Serdar Berdimuhamedow Balkan welaýatynyň Türkmenbaşy şäherinde «Türkmennebit» döwlet konserniniň işgärleri üçin ýaşaýyş jaýlaryny gurmak boýunça taýýarlanan teklibi goldap, wise-premýere degişli işleri geçirmegi tabşyrdy.
