Raşid Meredow Pakistanyň Prezidenti we energetika ministri bilen duşuşyklary geçirdi

  • 17.10.2024 13:06
  • 4.7k+
Raşid Meredow Pakistanyň Prezidenti we energetika ministri bilen duşuşyklary geçirdi

16-njy oktýabrda Türkmenistanyň daşary işler ministri Raşid Meredow Pakistana amala aşyran saparynyň çäginde Pakistanyň Prezidenti Asif Ali Zardari we Federal energetika ministri Musadik Masud Mälik bilen duşuşyklary geçirdi. Bu barada Türkmenistanyň DIM-niň metbugat gullugy habar berýär. 

Asif Ali Zardari bilen duşuşygyň dowamynda türkmen-pakistan hyzmatdaşlygynyň köp sanly meseleleri ara alnyp maslahatlaşyldy. Haryt dolanyşygyny artdyrmak we özara bähbitli gatnaşyklary diwersifikasiýalaşdyrmak babatda durlup geçildi.
Energetika we ulag ýaly ugurlarda netijeli hyzmatdaşlygy güýçlendirmeklige uly ähmiýet berilýändigi beýan edildi.
Şu nukdaýnazardan Türkmenistan – Owganystan – Pakistan – Hindistan (TOPH) gaz geçirijisiniň we Türkmenistan – Owganystan – Pakistan (TOP) elektrik geçiriji liniýasynyň taslamalaryny durmuşa geçirmekde bilelikdäki işleri güýçlendirmegiň möhümligi bellenildi.
Energetika we ulag pudagynda bilelikdäki taslamalary durmuşa geçirmäge gönükdirilen ikitaraplaýyn resminamalary taýýarlamak boýunça işleriň tamamlanmagyna aýratyn üns berildi.
Pakistan Yslam Respublikasynyň Federal energetika ministri Musadik Masud Mälik bilen geçirilen duşuşygyň dowamynda taraplar energetika pudagyndaky hyzmatdaşlyk meselelerini ara alyp maslahatlaşdylar.
TOP elektrik geçiriji ulgamynyň we TOPH gaz geçirijisiniň Pakistanyň senagat elektrik zerurlyklaryny kanagatlandyrmakda möhüm orun eýelejekdigi bellenildi.
Şeýle hem türkmen we pakistan taraplarynyň energiýa pudagynda bilelikdäki hereketleri üçin Ýol kartasyny düzmek teklip edildi.
Taraplar bilelikdäki taslamalary durmuşa geçirmek maksady bilen yzygiderli gatnaşyklary alyp barmak babatynda ylalaşdylar.

Türkmenistan we BMG hyzmatdaşlygyň Çarçuwaly maksatnamasyny amala aşyrmagyň netijelerini we geljegini maslahatlaşdy
düýn 18:13
883

Türkmenistan we BMG hyzmatdaşlygyň Çarçuwaly maksatnamasyny amala aşyrmagyň netijelerini we geljegini maslahatlaşdy

25-nji fewralda Türkmenistanyň Daşary işler ministrliginiň binasynda BMG bilen hyzmatdaşlygyň Çarçuwaly maksatnamasyny amala aşyrmak boýunça Ýolbaşçy komitetiň nobatdaky mejlisi geçirildi. Bu barada ministrligiň metbugat gullugy habar berýär...

Türkmenistanyň DIM-iniň ýolbaşçysy ÝTÖB-iň prezidenti bilen bilelikdäki taslamalary maslahatlaşdy
düýn 18:11
1.6k+

Türkmenistanyň DIM-iniň ýolbaşçysy ÝTÖB-iň prezidenti bilen bilelikdäki taslamalary maslahatlaşdy

25-nji fewralda günüň ikinji ýarymynda Türkmenistanyň daşary işler ministri Raşid Meredowyň Ýewropanyň täzeleniş we ösüş bankynyň (ÝTÖB) prezidenti Odil Reno-Basso bilen duşuşygy boldy. Bu barada Türkmenistanyň DIM-iniň metbugat gullugy habar berdi...

Beýik Britaniýanyň parlamentinde Türkmenistanyň DIM-niň ýolbaşçysynyň gatnaşmagynda duşuşyklar geçirildi
düýn 14:03
4.8k+

Beýik Britaniýanyň parlamentinde Türkmenistanyň DIM-niň ýolbaşçysynyň gatnaşmagynda duşuşyklar geçirildi

25-nji fewralda Türkmenistanyň daşary işler ministri Raşid Meredow Merkezi Aziýa ýurtlarynyň daşary syýasat edaralarynyň ýolbaşçylarynyň Beýik Britaniýanyň we Demirgazyk Irlandiýanyň Birleşen Patyşalygynyň parlamentiniň Jemgyýet palatasynyň başlygy Lindsi Hoýl bilen geçiren duşuşygyna gatnaşdy...

Türkmenistanyň DIM-iniň ýolbaşçysy Beýik Britaniýanyň Döwlet goranmak ministri bilen duşuşdy
düýn 13:58
4.7k+

Türkmenistanyň DIM-iniň ýolbaşçysy Beýik Britaniýanyň Döwlet goranmak ministri bilen duşuşdy

Türkmenistanyň daşary işler ministri Raşid Meredow 25-nji fewralda Merkezi Aziýa ýurtlarynyň daşary syýasat edaralarynyň ýolbaşçylarynyň Beýik Britaniýanyň Döwlet goranmak ministri Lord Rodni Kouker bilen geçiren duşuşygyna gatnaşdy...