Russiýa Federasiýasynyň Prezidenti Wladimir Putin Aşgabatda Magtymguly Pyragynyň doglan gününiň 300 ýyllygyna bagyşlanan «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forumda eden çykyşynda oňa gatnaşyjylary ýakynda Kazan şäherinde geçiriljek BRIKS sammitine gatnaşmaga çagyrdy. Bu barada ORIENT Kremliň metbugat gullugyna salgylanyp habar berýär.
"Kazanda geçiriljek çärelerde bu günki duşuşygyň başlygy Serdar Gurbangulyýewiç Berdimuhamedowy we şu forumdaky beýleki köp sanly liderleri görmäge şatdyrys" - diýip, Putin aýtdy.
BRIKS sammiti Tatarystanyň paýtagtynda 22-24-nji oktýabrda geçiriler. 24 döwletiň Baştutanlary bu sammite gatnaşjakdygyny tassykladylar. Kazanda şeýle hem BMG-niň Baş sekretary Antoniu Guterrişiň hem gelmegine garaşylýar.
