11-nji oktýabrda Türkmenistanyň Halk Maslahatynyň Başlygy Gurbanguly Berdimuhamedow ýurdumyza iş sapary bilen gelen Özbegistan Respublikasynyň Prezidenti Şawkat Mirziýoýew bilen duşuşdy.
Söhbetdeşligiň dowamynda döwletara hyzmatdaşlygyň möhüm ugurlary, sebit we ählumumy gün tertibiniň özara gyzyklanma bildirilýän esasy meseleleri ara alnyp maslahatlaşyldy.
Özbegistanyň Prezidentiniň metbugat gullugynyň habar bermegine görä, duşuşygyň barşynda Prezident Şawkat Mirziýoýew dostlugyň we aýratyn hormatyň nyşany hökmünde türkmen halkynyň Milli Liderine özbek diline terjime edilen «Magtymguly» atly kitaby sowgat berdi.
Türkmenistanyň Halk Maslahatynyň Başlygy sowgady üçin özbek Liderine minnetdarlyk bildirip, bu goşgular ýygyndysynyň ýakyn günlerde tanyşdyryljakdygyny habar berdi hem-de Türkmenistan bilen Özbegistan Respublikasynyň arasyndaky däp bolan doganlyk gatnaşyklaryň geljekde-de depginli ösdüriljekdigine we özara hormat goýmak, raýdaşlyk, hyzmatdaşlyk ruhunda çuňlaşdyryljakdygyna ynam bildirdi.
