Şu gün, 11-nji oktýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Köpetdagyň ajaýyp künjeginde bina edilen Magtymguly Pyragynyň ýadygärligine gül goýmak dabarasyna gatnaşdy. Bu barada TDH habar berýär.
Şeýle-de dabara Mejlisiň Başlygy, Ministrler Kabinetiniň Başlygynyň orunbasarlary, harby we hukuk goraýjy edaralaryň ýolbaşçylary, Aşgabat şäheriniň häkimi, ýurdumyzyň Halk Maslahatynyň we milli parlamentiň wekilleri, syýasy partiýalaryň hem-de jemgyýetçilik guramalaryň, ministrlikleriniň we pudaklaýyn dolandyryş edaralarynyň, Türkmenistandaky diplomatik wekilhanalaryň we halkara guramalarynyň ýolbaşçylary hem-de wekilleri, talyp ýaşlar gatnaşdylar.
Türkmen halkynyň Milli Lideriniň başlangyjy hem-de Prezident Serdar Berdimuhamedowyň tagallalary bilen paýtagtymyzyň günorta böleginde gurlan Magtymguly Pyragynyň ýadygärligi we adybir medeni-seýilgäh toplumy Aşgabadyň binagärlik keşbine aýratyn öwüşgin çaýýar.
