Prezident Serdar Berdimuhamedow we Türkmenistanyň Halk Maslahatynyň Başlygy Gurbanguly Berdimuhamedow Russiýa Federasiýasynyň Prezidenti Wladimir Putine doglan güni mynasybetli tüýs ýürekden gutlaglaryny we hoşniýetli arzuwlaryny iberdiler.
“Biz Türkmenistanda döwletlerimiziň arasyndaky dostlukly gatnaşyklaryň ösdürilmegine goşýan şahsy goşandyňyza ýokary baha berýäris hem-de hoşniýetli goňşuçylygyň, özara hormat goýmagyň, ynanyşmagyň köpýyllyk däplerine daýanýan strategik hyzmatdaşlygymyzyň mundan beýläk-de pugtalandyryljakdygyna ynanýarys” diýip, Serdar Berdimuhamedow hatynda belleýär.
“Türkmenistan bilen Russiýa Federasiýasynyň arasyndaky däp bolan dostlukly, uzak möhletleýin we strategik häsiýete eýe bolan gatnaşyklar ähli ugurlar boýunça yzygiderli ösdürilýär. Bilelikdäki tagallalarymyzyň netijesinde türkmen-rus döwletara gatnaşyklarynyň, özara bähbitli hyzmatdaşlygyň halklarymyzyň bähbidine mundan beýläk-de pugtalandyryljakdygyna berk ynanýaryn” diýip, türkmen halkynyň Milli Lideri hatynda belleýär.
RF-niň Prezidenti Wladimir Putin 7-nji oktýabrda doglan gününi belleýär. Şu gün ol 72 ýaşady.
