Gurbanguly Berdimuhamedow Bilal Ärdogana türkmen alabaýyny sowgat etdi

  • 27.09.2024 16:37
  • 13k+

26-njy sentýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türkiýe Respublikasynyň Prezidentiniň ogly, Bütindünýä etnosport konfederasiýasynyň başlygy Bilal Ärdogany kabul etdi.

TDH agentliginiň habar bermegine görä, söhbetdeşler häzirki döwürde iki dostlukly ýurduň arasynda syýasy-diplomatik, söwda-ykdysady, medeni-ynsanperwer gatnaşyklaryň ýokary derejede alnyp barylýandygyny kanagatlanma bilen bellediler. Halklarymyzyň umumy medeni-ruhy mirasy we gymmatlyklary ikitaraplaýyn hyzmatdaşlygyň pugtalandyrylmagy üçin berk esas bolup durýar.
Türkmen halkynyň Milli Lideri sporty ösdürmek bilen bagly mesele barada durup geçip, Türkmenistanyň dünýä derejesindäki ýaryşlary üstünlikli geçirmekde baý tejribesiniň bardygyny nygtady. Ýurdumyz halkara sport hyzmatdaşlygy ulgamyna işjeň gatnaşýan döwlet hökmünde çykyş edýär. Paýtagtymyzdaky döwrebap Olimpiýa şäherçesinde geçirilýän halkara derejeli ýaryşlar muňa aýdyň mysal bolup durýar. Türkmenistanda sportuň dürli görnüşleri boýunça ägirt uly üstünlikler gazanylýar. Şunda ahalteke bedewleriniň halkara derejeli çapyşyklar bilen bir hatarda, konkur bäsleşiklerine hem işjeň gatnaşýandygy bellenildi. Bu bolsa sportuň ähli görnüşleri boýunça edilýän tagallalaryň oňyn netijä eýe bolýandygyny görkezýär. Muny türkmen türgenleriniň dürli derejedäki halkara ýaryşlardaky üstünlikleri hem tassyklaýar.
Soňra Gurbanguly Berdimuhamedow myhmana baýramçylyk sowgady hökmünde türkmen halkynyň milli buýsanjyna öwrülen alabaýlary gowşurdy. Bilal Ärdogan alabaýlary aýratyn hormat duýgusy bilen kabul etdi we iki doganlyk halkyň arasyndaky dostlukly gatnaşyklaryň nyşanyna öwrülen alabaýlary sowgat berendigi üçin tüýs ýürekden hoşallyk bildirdi.
Bütindünýä etnosport konfederasiýasynyň başlygy Türkmenistanda bolmagynyň çäklerinde Gahryman Arkadagymyzyň başlangyjy boýunça “akylly” şäher konsepsiýasyna laýyklykda bina edilen Arkadag şäherine baryp gördi hem-de bu ýerde gurlan dürli maksatly desgalar, netijeli zähmet çekmek, ilatyň amatly ýaşamagy üçin döredilen şertler bilen tanyşdy. Bu ýerde ekologik talaplaryň hasaba alnyp, innowasion çözgütleriň peýdalanylmagy myhmanda aýratyn täsir galdyrdy.


şu gün 09:58
160

Serdar Berdimuhamedow Donald Trampa gynanç bildirdi

Prezident Serdar Berdimuhamedow Amerikanyň Birleşen Ştatlarynyň Prezidenti Donald Trampa ýurduň Waşington şäheriniň Ronald Reýgan howa menziliniň golaýynda bolup geçen, köp sanly adam pidalaryna getiren pajygaly...

düýn 13:44
4.9k+

Türkmenistanda «Göreldeli gümrük işgäri» we «Ýylyň gümrük nokady» bäsleşikleriniň jemleri jemlendi

Türkmenistanda Watan goragçylarynyň güni mynasybetli Döwlet gümrük gullugy tarapyndan yglan edilen «Göreldeli gümrük işgäri» we «Ýylyň gümrük nokady»  bäsleşikleriniň jemleri jemlenildi. Gullugyň hukuk tertibini...

düýn 07:52
6.3k+

Gurbanguly Berdimuhamedow Sadyr Žaparowy Aşgabatda geçiriljek foruma çagyrdy

29-njy ýanwarda Türkmenistanyň Halk Maslahatynyň Başlygy Gurbanguly Berdimuhamedow bilen Gyrgyz Respublikasynyň Prezidenti Sadyr Žaparowyň arasynda telefon arkaly söhbetdeşlik boldy. Onuň dowamynda ikitaraplaýyn...

29.01.2025 15:49
3k+

Çinwe Ogbonna UNFPA-nyň Türkmenistandaky täze direktory wezipesine girişdi

Çinwe Ogbonna 2025-nji ýylyň ýanwar aýynda UNFPA-nyň Gazagystandaky Ýurt boýunça wekili we Türkmenistanda hem-de Gyrgyzystanda Ýurt boýunça direktory wezipesine resmi taýdan girişdi. Bu barada BMG-niň Ilat Gaznasynyň...