23-nji sentýabrda Türkmenistanyň daşary işler ministri Raşid Meredow Koreýa Respublikasynyň ýer, infrastruktura we ulag ministri Sangwo Park bilen duşuşyk geçirdi.
Türkmenistanyň DIM-nde geçirilen duşuşygyň dowamynda taraplar ulag-üstaşyr geçelgeleri hem-de logistika infrastrukturasyny döretmek baradaky ýurdumyzyň öňe süren başlangyç taslamalaryna laýyklykda hyzmatdaşlygyň häzirki ýagdaýyny we geljegini ara alyp maslahatlaşdylar.
Awtoulag pudagynda Türkmenistan bilen Koreýa Respublikasynyň arasyndaky köp ýyllyk hyzmatdaşlygyň üstünlikleri bellendi.
Duşuşykda şähergurluşygy, seýsmologiýa we ulag pudaklaryndaky hyzmatdaşlygyň mümkinçiliklerine aýratyn üns berildi diýip, Türkmenistanyň DIM-niň metbugat gullugy habar berýär.
