Serdar Berdimuhamedow Owganystany parahat ýurda we gymmatly ykdysady hyzmatdaş döwlete öwürmäge ýardam bermäge çagyrdy

  • 17.09.2024 22:02
  • 8.1k+

Prezident Serdar Berdimuhamedow Astana şäherinde geçirilen «Merkezi Aziýa – Germaniýa» sammitindäki çykyşynda halkara bileleşigi Owganystany parahat ýurda we gymmatly ykdysady hyzmatdaş döwlete öwürmäge ýardam bermäge çagyrdy.

Döwlet Baştutany sebitde parahatçylygyň we howpsuzlygyň möhüm meseleleriniň biri bolan Owganystandaky ýagdaýa degip geçmek bilen, biziň bu ýurtdaky ýagdaýa berýän bahamyzyň häzirki wagtda owgan halkynyň agyr we köpýyllyk döwri ýeňip geçmek hem-de ykdysadyýetiň we durmuş ulgamynyň döwlet institutlaryny dikeltmek, sebitde parahatçylygy, ylalaşyklylygy, bitewüligi gazanmak we berkarar etmek boýunça umumymilli işe geçmek üçin anyk mümkinçiliginiň peýda bolandygyna esaslanýandygyny nygtady. 
Bellenilişi ýaly, halkara bileleşigi tarapyndan owgan halkyna kömek bermek, ýagdaýa oňat düşünmek, öňdengörüjilik hem-de bu meselä jogapkärli çemeleşmek zerur bolup durýar. 
Şunuň bilen baglylykda, Serdar Berdimuhamedow esasy maksatlara – Owganystany durnukly, parahat ýurda, gymmatly we geljegi uly ykdysady hyzmatdaşa, hormatlanylýan we deňhukukly döwlete, Milletler Bileleşiginiň agzasyna öwürmäge ýardam bermäge ünsi jemlemäge çagyrdy. 
Bellenilişi ýaly, Merkezi Aziýa ýurtlaryna we Germaniýa halkara we sebit meýdançalaryny ulanyp, bu wezipelere tagallalary gönükdirmek, diplomatik gatnaşyklary ösdürmek, Owganystanyň gatnaşmagynda iri infrastruktura we ykdysady taslamalaryň durmuşa geçirilmegini üpjün etmek, olara saldamly daşarky maýa goýumlaryny çekmäge ýardam bermek zerur bolup durýar.


düýn 22:12
5.3k+

Oguljahan Atabaýewa «Al-Arabiýa» teleýaýlymynyň wekilleri bilen duşuşdy

19-njy aprelde Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa «Al-Arabiýa» teleýaýlymynyň esasy alyp baryjysy Rizwan Hanyň ýolbaşçylygyndaky wekiliýet bilen duşuşdy...

19.04.2025 12:37
4k+

Türkmenistan oba hojalyk boýunça “EKSPO” halkara sergisini geçirmegi meýilleşdirýär

18-nji aprelde  wise-premýer, daşary işler ministri R.Meredow Türkmenistanyň halkara sergi işini ösdürmek boýunça görülýän çäreler barada hasabat berdi. R.Meredow «Bitarap Türkmenistanyň daşary syýasat ugrunyň...

19.04.2025 10:04
2.6k+

Aşgabatdaky «Halkara söwda we hyzmatlar» sergi-ýarmarkasyna 27 döwletden 63 kompaniýa gatnaşar

2025-nji ýylyň 29-njy apreli — 1-nji maýy aralygynda Söwda-senagat edarasynda «Halkara söwda we hyzmatlar» atly sergi-ýarmarkasy hem-de «Türkmenistanda halkara ülňülerine laýyk gelýän hil üpjünçiligi» atly halkara maslahaty geçiriler...

19.04.2025 09:51
2.8k+

Arkadag şäheri YHG-nyň durnukly ösüş boýunça ilkinji ministrler forumyny kabul eder

Aprel aýynda Arkadag şäherinde Ykdysady Hyzmatdaşlyk Guramasynyň (YHG) durnukly ösüş boýunça ministrler derejesindäki birinji forumy geçiriler. Foruma görülýän taýýarlyk işleri barada anna güni geçirilen Hökümet mejlisinde wise-premýer H...