Aşgabatda Türkmenistan bilen Halkara awtomobil ulaglary birleşiginiň (IRU) wekilleriniň arasynda duşuşyk geçirildi. IRU-nyň Baş sekretary Umberto de Prettonyň wise-premýer, daşary işler ministri Raşid Meredowyň hem-de Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýewiň arasynda geçirilen duşuşykda awtomobil ulaglary pudagynyň ösdürilmeginiň esasy ugurlary ara alnyp maslahatlaşyldy diýip, ORIENT IRU-nyň saýtyna salgylanyp habar berýär.
Umberto de Pretto “agyr” we “ýeňil” infrastrukturasynyň ösdürilmeginiň ähmiýeti barada belläp geçdi. Netijeli söwda üçin zerur bolan garmonizirlenen gurallaryny we işlerini ösdürmekde Türkmenistanyň tagallalaryna aýratyn ähmiýet berildi. Bu infrastrukturalarynyň üstünlikli utgaşdyrylmagy ýük baradaky deslapky maglumatlaryny peýdalanmak bilen howpsuz TIR operasiýalarynyň üpjün edilmegini hem-de esasy serhet geçelgelerinde bellenen ösdürilýän zolaklary öz içine alýar. Bu bolsa howpsuzlyga esaslanýan üstüşyr geçelgelerine ösdürilmegine mümkinçilik berýär.
IRU we Türkmenistanyň daşary işler ministri hem-de Ulag we kommunikasiýalar agentliginiň Baş direktory Türkmenistanda awtomobil ulag ulgamyny ösdürmek hem-de söwda we üstaşyr geçelge babatda onuň ähmiýetini ýokarlandyrmak üçin ýol kartasyny işläp taýýarlamak barada ylalaşdylar.
