Türkmenistanyň daşary işler ministri Raşid Meredow Seýed Abbas Aragçini Eýran Yslam Respublikasynyň daşary işler ministri wezipesine bellenilmegi bilen gutlady.
Türkmenistanyň DIM-niň ýolbaşçysy gutlag hatynda Türkmenistan bilen Eýranyň arasynda uzak ýyllaryň dowamynda dowam edip gelýän syýasy-diplomatik, söwda-ykdysady we medeni-ynsanperwer gatnaşyklarynyň ýokary derejesini belläp geçdi.
R.Meredow iki ýurduň arasyndaky özara bähbitli hyzmatdaşlygynyň mundan beýläk pugtalandyrmagyna we ösdürilmegine ynam bildirip, öz eýranly kärdeşine bu jogapkärçilikli wezipede üstünlikleri arzuw etdi diýip, Orient Eýran Yslam Respublikasynyň DIM-niň habaryna salgylanyp belleýär.
