Ýewropanyň kosmiki enjamy JUICE (Jupiter Icy Moons Explorer) Ýupitere baryp ýetmäge mümkinçilik berjek çylşyrymly tilsimi ýerine ýetirmäge taýýarlanýar. Geçen ýyl Fransiýanyň Gwiana departamentiniň Kuru kosmodromyndan uçurylan bu enjam tizligini ýokarlandyrmaga we ugruny sazlamaga mümkinçilik berjek Ýeriň we Aýyň dartyş meýdanlaryny ulanyp, bu tilsimi ýerine ýetirer diýip, Ýewropa kosmos gullugyna salgylanýan The Guardian habar berýär.
JUICE ýangyjyň tygşytlanmagyna we uçuş wagtynyň gysgalmagyna kömek etjek birnäçe dartyş tilsimlerini ýerine ýetirer. Enjam Ýeriň we Aýyň daşyndan aýlanyp, Wenera uçar, soňra bolsa ýene Ýere tarap gaýdar. JUICE bu tilsimi 2026-njy we 2029-njy ýyllarda ýene bir gezek gaýtalar we 2031-nji ýylyň iýul aýynda Ýupitera ýeter.
JUICE missiýasynyň esasy maksady, ýaşaýyş alamatlaryny gözlemek üçin Ýupiteriň Ýewropa we Ganimed ýaly buzly hemralaryny öwrenmekdir. Alymlar bu hemralaryň buzly gabygynyň astynda ummanlaryň bolup biljekdigine ynanýarlar, bu bolsa ýaşaýyş şertleriniň mümkindigini aňladýar.
