4-nji awgustda Stambulda Sultanahmet meýdançasynda badalga alana "İpek Yolu Rally" halkara ralli ýaryşyna gatnaşyjylar Aşgabada geldiler.
Ralli ýaryşy Ýewropa Bileleşiginiň we Türkiýäniň Daşary işler ministrliginiň goldawy bilen "Gündogar - Günbatar Dostluk we Parahatçylyk" ralli assosiasiýasy tarapyndan geçirilýär.
Turkmenportal internet neşiriniň habar bermegine görä, Aşgabatda rallä gatnaşyjylar Türkiýäniň ilçihanasynyň resmi rezidensiýasynda kabul edildi.
"İpek Yolu Rally" halkara ralli ýaryşy dünýäniň iň uzyn rallisi hasaplanýar. Bu gezekki ýaryş Türkiýäniň, Italiýanyň, Germaniýanyň, Awstriýanyň we Moldowanyň sürüjilerini birleşdirdi. Ýol sekiz ýurtdan geçýär, onuň indiki duralgasy - Azerbaýjan, soňra Özbegistan, Gyrgyzystan, Gazagystan we Hytaý.
Asosiasiýanyň prezidenti Nadir Serin ýaryşa ýedi ýurtdan 30 awtoulag sürüjisiniň gatnaşýandygyny habar berdi. Ralli 28-nji awgustda Mongoliýanyň paýtagty Ulan-Batorda tamamlanar.
