Belgiýanyň Brýussel şäherinde Türkmenistanyň ilçisi Sapar Pälwanow Ýewropa Bileleşiginiň Geňeşiniň baş sekretariatynyň hukuk gullugyna Türkmenistan bilen Ýewropa Bileleşiginiň, şeýle hem onuň agza döwletleri bilen hyzmatdaşlyk etmek hakyndaky ylalaşygynyň Türkmenistan tarapyndan tassyklanandygy hakyndaky teswirnamany resmi taýdan gowşurdy.
Ähtnama 2024-nji ýylyň martynda gol çekilipdi we ol Ýewropa Bileleşigine täze goşulan döwletleri hem öz içine alýar.
Türkmenistanyň Mejlisi tarapyndan 2024-nji ýylyň 13-nji iýulynda bu teswirnama tassyklandy.
Ilçi S.Pälwanow resminamany gowşurmak dabarasynda ÝB-niň wekili bilen hyzmatdaşlygyň geljekki ugurlary, şeýle hem Türkmenistan bilen Ýewropa Bileleşigi bilen şertnamalaýyn-hukuk binýadynyň pugtalandyrylmagy babatda pikir alyşdy.
