2012-nji ýyldan bäri Gyzyl planetany öwrenýän Curiosity roweri garaşylmadyk açyş etdi. Sulfata baý sebiti gözläp ýörkä, Curiosity tötänden bir daşy döwdi we onuň içinde sary arassa kükürt kristallarynyň üýşmegini ýüze çykardy diýip, NASA-nyň Reaktiw hereket laboratoriýasy habar berýär.
Bu Marsda ýüze çykarylan şu hili ilkinji tapyndy. Kükürt esasly minerallar öň Gyzyl planetada tapylan hem bolsa, Curiosity tarapyndan ýüze çykarylan bu dag jynsy elementar kükürtden - wulkan we gidrotermiki işjeňligiň netijesinde Ýer ýüzünde emele gelýän yssyz maddadan ybaratdyr.
Curiosity taslamasyna gatnaşyjy Eşwin Wasawada bu açyş barada “Arassa kükürtden dag jynsyny tapmak - çölde bagçylyk tapmak bilen deň" – diýip, bu tapynda teswir berýär.
Hünärmenleriň sözlerine görä, Marsda elementar kükürt “bolmaly däl” - bu düşündirip bolmajak zat.
Alymlar Curiosity-iň robot goluny we rentgen alfa-bölejik spektrometrini ulanyp, daşyň düzümini kesgitlediler.
Barlagçylar topary Marsda elementar kükürdiň nädip emele gelendigini düşündirip bilmeýär we jogap gözlemek üçin tapyndynyň töweregindäki ýerleri öwrenmegi dowam etdirýär.
