Dzýudoçylar Rahymow we Pardaýewa Pariž Olimpiadasynda Türkmenistana wekilçilik eder

  • 17.07.2024 13:35
  • 8k+

Ýene sanlyja günden badalga aljak Pariždäki Olimpiýa oýunlarynda dzýudo dissiplinasynda Türkmenistana iki türgen wekilçilik eder. Olar Hojambaz etrabyndan 20 ýaşly Serdar Rahymow we Köýtendagdan 19 ýaşly Maýsa Pardaýewa diýip, resmi türkmen metbugaty habar berdi.

Dzýudoçylaryň ikisiniň hem halkara ýaryşlarynda çykyş etmekde uly tejribesi bar. Türkmen döwlet binagärlik-gurluşyk institutynyň talyby Serdar Rahymow şu ýylyň maý aýynda Duşanbede geçirilen “Uly tuwulga” (Grand Slam) ýaryşynda altyn medal alan ilkinji türkmen dzýudoçysy boldy. Şeýle-de, ol Rigadaky açyk Ýewropa Kubogynyň we Warşawadaky açyk Ýewropa çempionatynyň kümüş baýragynyň eýesidir.
Maýsa Pardaýewa Warşawadaky açyk Ýewropa çempionatynyň altyn medalynyň we 2023-nji ýylyň XIX tomusky Aziýa oýunlarynyň bürünç medalynyň eýesidir. Şeýle-de, ol Duşanbede geçirilen Grand Slam ýaryşynda iň güýçlüleriň bäşligine girdi we Daşkentde geçen 2023-nji ýylyň Aziýanyň Kubogynda altyn medal gazandy. Ol Türkmen döwlet bedenterbiýe we sport institutynyň talybydyr.
Türkmen dzýudoçylaryny Olimpiada ýaponiýaly tälimçi Kazuhiko Tokuno taýýarlady, ol 2023-nji ýylyň aprel aýyndan bäri erkekler we zenanlar ýygyndysyna tälim berýär. Tokuno 7 dan gara guşagyň eýesi, Aziýanyň ençeme gezek çempiony we dünýä çempionatlarynyň baýrak eýesidir.
Fransiýanyň paýtagtynda Olimpiýa oýunlary – 2024 26-njy iýuldan 11-nji awgust aralygynda geçiriler. Dzýudo boýunça ýaryş resmi açylyş dabarasyndan bir gün soň başlar we ýedi gün dowam eder.


düýn 07:25
8.4k+

«Altyn asyr» toparynyň AFK-nyň Çagyryş ligasyndaky garşydaşlary belli boldy

Aziýanyň Futbol Konfederasiýasy tarapyndan geçirilýän AFK-nyň Çagyryş ligasynda çykyş edýän Türkmenistandan «Altyn asyr» toparynyň toparçadaky garşydaşlary belli boldy. Malaýziýanyň paýtagty Kuala-Lumpur şäherinde geçirilen bije çekişligiň netijesinde, «A» toparça düşen paýtagtymyzyň toparynyň garşydaşlary Butanyň «Paro», Omanyň «Al-Şabab» hem-de Gyrgyz Respublikasynyň «Abdyş-Ata» toparlary boldular...

27.08.2025 16:39
8.5k+

Çempionlar ligasynyň täze toplary gijeki asmandan, kosmosdan we demirgazyk şapagyndan ylham alyp döredildi

Ýewropa futbol assosiasiýalarynyň birleşigi (UEFA) 2025/26 möwsüminiň erkekler we zenanlar Çempionlar ligasy üçin täze resmi toplaryny hödürledi. Täze modeller ýaryşyň umumy tapgyrynda ulanylar. Erkekler Çempionlar ligasy üçin top gök we altyn nagyşlar bilen bezeldi...

26.08.2025 14:29
9.9k+

Türkmenistan CAFA Milletler kubogynda Gyrgyzystan, Özbegistan we Oman bilen duşuşar

Merkezi Aziýanyň Futbol Assosiasiýasynyň (CAFA) Milletler kubogynyň toparçalaýyn tapgyrynyň oýunlarynyň tertibi resmi taýdan mälim edildi. Bu barada CAFA-nyň metbugat gullugy habar berýär. CAFA-nyň Milletler kubogy taryhda ikinji gezek geçirilýär...

25.08.2025 12:20
4.8k+

13 ýaşly tennisçi Tailandda geçen halkara ýaryşda Türkmenistana iki sany altyn medal getirdi

Tailand Patyşalygynyň Uly Bangkok sebitine degişli bolan Nonthaburi welaýatynda 14 ýaşa çenli ýetginjekleriň arasynda Aziýanyň Tennis federasiýasynyň (ATF) guramagynda halkara tennis ýaryşy geçirildi. Ýaryşda üstünlikli çykyş eden türkmen türgenleri üç görnüş boýunça altyn, bir görnüşde bolsa bürünç medal gazandylar...