2024-nji ýylyň birinji ýarymynda Türkmenistanda 40230,1 million kub metr tebigy gaz, 4163,7 müň tonna nebit çykaryldy. Bu barada Statistika baradaky döwlet komitetiniň başlygy D.Amanmuhammedow şu gün Ministrler Kabinetiniň giňişleýin mejlisinde beren hasabatynda aýtdy.
Hasabatda bellenilişi ýaly, 2023-nji ýylyň degişli döwri bilen deňeşdirilende, nebit bitumynyň öndürilişi 13,2 göterim, mazut boýunça 31,7 göterim, aýna listi boýunça 7,9 göterim, sement boýunça 6,8 göterim, tutulan balyklar boýunça 34,2 göterim, gaýtadan işlenen hem-de gaplanan balyk we balyk önümleri boýunça 16,5 göterim, süýt önümleri boýunça 14,1 göterim, mesge ýagy boýunça 10,8 göterim, süýji-köke önümleri boýunça 5,6 göterim ösüş gazanyldy.
Aragatnaşyk hyzmatlarynyň möçberi 12,7 göterim artdy.
Oba hojalygynda öndürilen gök önümler 7,4 göterim, ýeralma 11,4 göterim, miwe we ir-iýmişler, 1,2 göterim, süýt 0,5 göterim we diri agramdaky etiň öndürilişi 0,6 göterim artdy.
Ykdysadyýetiň döwlete dahylsyz böleginde ýüpek matalar 1,4 göterim, süýji-köke önümleri 5,9 göterim, mesge ýagy 15,3 göterim, süýt önümleri 14,5 göterim, unaş önümleri 64,1 göterim, çörek we çörek önümleri 7 göterim, gök önümler 9,3 göterim, ýeralma 5,8 göterim, süýt 0,5 göterim artdy.
