Hytaýly alymlar her dänesine et zerreleri birleşdirilen tüwini ösdürip ýetişdirmegi başardylar. Bu üstünlik Pekiniň Azyk ylymlary akademiýasynyň Hytaý eti bar merkeziniň hünärmenlerine degişlidir diýip, South China Morning Post ýazýar.
Bu üýtgeşik tüwiniň adaty tüwüden tapawudy ýok, ýöne iýmitlik aýratynlyklary ep-esli gowulandyrylandyr. “Etli” tüwini ösdürip ýetişdirmek üçin alymlar towuk we doňuz öýjüklerini ulandylar. Tüwi peýdaly häsiýetlerini saklap galmak bilen, aminokislotalar we haýwan beloklary bilen baýlaşdyryldy.
Netijede ol adaty tüwi ýaly görünýär, ýöne etiň tagamyny we ysyny berýär. Barlagçylar “etli” tüwiniň geljekde balansirlenen iň gowy iýmit bolup biljekdigine ynanýarlar.
Şeýle-de bolsa, şeýle önümiň bazara çykmagy üçin howpsuzlyk we degişli rugsatlary almak bilen baglanyşykly birnäçe meseläni çözmeli.
Barlag entek degişli ylmy žurnalda çap edilmese-de, alymlar işini dowam etdirmegi we et ösdürip ýetişdirmegiň täze usullaryny ösdürmegi meýilleşdirýärler.
