Aşgabatdan Kuala-Lumpura we Jidda ilkinji uçuşlar ýerine ýetirildi

  • 18.02.2024 18:23
  • 10k+
Aşgabatdan Kuala-Lumpura we Jidda ilkinji uçuşlar ýerine ýetirildi

Aşgabat – Kuala-Lumpur ugry boýunça uçýan uçar Malaýziýanyň paýtagtyndaky howa menzile gondy.

Täze gelen ýolagçylary Türkmenistanyň Malaýziýadaky ilçisi Muhammetnyýaz Maşalow we Malaýziýanyň syýahatçylyk, sungat we medeniýet ministri Dato Şri Tiong King Sing garşy aldylar.
«Türkmenhowaýollarynyň» saýtynda habar berlişi ýaly, bu ugurdan yzygiderli gatnawlar 2024-nji ýylyň 15-nji fewralynda resmi taýdan ýola goýuldy. Aşgabat – Kuala-Lumpur uçuşlary degişlilikde 289 we 368 orunlyk Boeing 777-200LR / 777-300ER uçarlarynda hepdede iki gezek amala aşyrylar. Uçuş 8 sagat 10 minut dowam edýär.
Mundan başga-da, kompaniýa Aşgabatdan Jidda şäherine uçuş amala aşyrdy. Aşgabatdan Jidda ilkinji uçuş Boeing 777-200LR uçarynda ýerine ýetirildi. Bu ugurda uçuşyň dowamlylygy 4 sagat boldy.
Saud Arabystanynyň port şäherine uçuşlar hepdede iki gezek, çarşenbe we anna günleri amala aşyrylar.

The New York Times 2026-njy ýylda syýahat üçin iň gowy ýerleriň reýtingini düzdi
düýn 23:22
1k+

The New York Times 2026-njy ýylda syýahat üçin iň gowy ýerleriň reýtingini düzdi

«The New York Times» amerikan gazeti 2026-njy ýylda baryp görmeli 52 ýeriň sanawyny hödürledi. Neşir birinji orunda «Rewolýusion Amerikany» ýerleşdirdi. Redaksiýa ýurduň 250 ýyllygy mynasybetli geçiriljek ýörişleri we sergileri görmek, futbol boýunça dünýä çempionatynyň oýnuna we 4-nji iýulda Waşingtondaky konserte gatnaşmak üçin ABŞ-a gitmegi maslahat berýär...

Türkmen raýatlary üçin Türkiýä wizalary resmileşdirýän kompaniýa üýtgedildi
düýn 17:52
9.8k+

Türkmen raýatlary üçin Türkiýä wizalary resmileşdirýän kompaniýa üýtgedildi

Türkmenistanda Türkiýäniň täze wiza merkezi — «Mosaic Visa» açylar. Bu merkez Türkiýe Respublikasyna wiza almak üçin berilýän arzalary kabul edýän resmi operator bolar. Kompaniýanyň sosial ulgamlary arkaly beren maglumatyna görä, ol ýurdumyzda öz işini bes eden «Gateway International» merkeziniň ornuny tutar...

Finlýandiýanyň Oulu we Slowakiýanyň Trençin şäherleri 2026-njy ýylda Ýewropanyň medeni paýtagtlary boldy
10.01.2026 11:18
3.4k+

Finlýandiýanyň Oulu we Slowakiýanyň Trençin şäherleri 2026-njy ýylda Ýewropanyň medeni paýtagtlary boldy

Finlýandiýanyň Oulu we Slowakiýanyň Trençin şäherleri 2026-njy ýylda Ýewropanyň medeni paýtagtlary boldy. Bu barada Ýewropa komissiýasy habar berýär. Ýylyň dowamynda Ýewrokomissiýanyň goldaw bermeginde bu şäherlerde Ýewropa Bileleşiginiň ýurtlarynyň medeni köpdürlüligini görkezmäge gönükdirilen medeni çäreler, sergiler we çykyşlar geçiriler...

«Türkmenistan» awiakompaniýasy Abu-Dabi ugruna goşmaça gatnawy ýola goýýar
01.01.2026 18:09
6.2k+

«Türkmenistan» awiakompaniýasy Abu-Dabi ugruna goşmaça gatnawy ýola goýýar

«Türkmenistan» awiakompaniýasy 2026-njy ýylyň 4-nji ýanwaryndan başlap, Aşgabat – Abu-Dabi – Aşgabat ugry boýunça yzygiderli ýolugçy gatnawlarynyň sanyny artdyrýar. Indi Birleşen Arap Emirlikleriniň paýtagtyna uçuşlar hepdede iki gezek amala aşyrylar...