Gazagystanyň HHR, Özbegistan we Türkmenistan bilen serhetlerinden geçiş wagty 30 minuta çenli azaldylar. Bu eýýäm başlanan barlag-geçiriş nokatlarynyň döwrebaplaşdyrylmagy netijesinde mümkin bolar diýip, Kazinform agentligi habar berýär.
“Ýurduň üstaşyr potensialyny ösdürmek we ýanaşyk döwletler bilen haryt dolanyşygyny ýokarlandyrmak maksady bilen Hökümet tarapyndan Hytaý Halk Respublikasy, Özbegistan Respublikasy we Türkmenistan bilen serhetdäki barlag-geçiriş nokatlaryny doly derejede döwrebaplaşdyrmak işleri başlandy” – diýip, GR-nyň Maliýe ministrliginiň Döwlet girdejileri komitetiniň gümrük gözegçiligi departamentiniň müdiri Ýeldos Saudabaýew metbugat maslahatynda habar berdi.
Döwlet işgäriniň aýtmagyna görä, köne infrastrukturalary aýyrmak bilen täze geçiriş nokatlary gurulýar. “Alakol” awtomobil nokady territoriýanyň ep-esli giňeldilmegi bilen düýbünden täze ýerde gurulýar. 2023-nji ýylyň iýun aýynda “Dostyk-demirýol” inspeksiýa-gözden geçiriş toplumy ulanylyşa girizildi.
Döwrebaplaşdyryş geçiriş ukyplylygyny 8 esse artdyrmaga, serhetlerden geçiş wagtyny 30 minuta çenli azaltmaga hem-de harytlary we ulag serişdelerini geçirmegiň tutuş siklini awtomatlaşdyrmaga mümkinçilik berer.
