Ilon Mask yzly-yzyna ikinji ýyl gereginden artyk baha berlen baş direktor diýlip yglan edildi

  • 04.02.2024 21:26
  • 7.8k+

Fortune işewürler žurnaly ABŞ-daky gereginden artyk baha berlen we kembaha garalan baş direktorlaryň ýyllyk sanawyny hödürledi. “Artyk baha berlen” ýolbaşçylaryň anti-reýtingine Tesla-nyň we SpaceX-iň ýolbaşçysy Ilon Mask yzly-yzyna ikinji ýyl öňbaşçylyk etdi.

RB.RU-nyň habar bermegine görä, Tesla-nyň paýnamalary birden pese gaçdy, bazar bahasynyň milliardlarça dollaryny ýitirdi we doly awtonom ulaglary döretmek baradaky meýilnamalary ýerine ýetirilmän galdy. SpaceX-iň Marsda şäher döretmek bilen bagly meýilnamasy henizem amal bolmakdan daşda görünýär we Twitter (häzirki X) sosial ulgamyny satyn almak bilen bagly dawaly söwda we onuň dolandyrylyşyndaky şowsuzlyklar häzire çenli diňe maliýe kynçylyklaryna sebäp bolup gelýär.
Mundan başga-da, birki günlükde Delawer ştatynyň kazyýeti Masky 56 milliard dollar möçberinde bonus töleginden mahrum etdi, şondan soň milliarder kompaniýany Tehas şäherine geçirmek meýilnamasyny yglan etdi we  bu teklibi paýdarlara kazyýetiň karary bilen esaslandyrdy.
Artyk baha berlen baş direktorlaryň sanawynda ikinji orny paýy ýylyň dowamynda 9% azalan, Disneýiň ýolbaşçysy Robert (Bob) Aýger eýeledi. Şondan öň, 2021-nji ýylyň mart aýyndan başlap gymmatly kagyzlaryň bahasy ýene 50% pese gaçdy. Aýger bu kompaniýada 40 ýyldan gowrak wagt bäri işleýär, şonuň 15 ýylynda baş direktoryň wezipesini eýeledi.
Munuň tersine, Microsoft-yň baş direktory Satýa Nadella sekizinji gezek kembaha garalan baş direktor diýen ada eýe boldy. Respondentler, monopoliýa garşy düzgünleşdirijileriň makullamandyklaryna garamazdan, korporasiýanyň OpenAI-e üstünlikli maýa goýandygyny we Activision Blizzard-y satyn almak baradaky şertnamanyň üstünlikli tamamlanandygyny bellediler.
Fortune bu sanawy ABŞ-daky birnäçe müň sany ýokary derejeli menejerler we seljerijiler bilen  geçirilen pikir soraşmalaryň maglumatlaryna esaslanyp düzdi.


25.05.2025 19:08
5.6k+

Ilon Mask Tesla-nyň baş direktorlygyndan aýrylmagy meýilleşdirmeýär

«Tesla» kompaniýasynyň ýolbaşçysy Ilon Mask özüniň baş direktorlyk wezipesinden çekilmegi meýilleşdirmeýändigini mälim etdi. Ol täze baş direktoryň diňe onuň aradan çykmagy bilen gelip biljekdigini aýtdy diýip, «Carscoops» habar berýär...

11.04.2025 16:13
5.6k+

Apple iň gymmat kompaniýa adyny gaýdyp aldy, Maskyň baýlygy bolsa bir günde 36 mlrd dollar artdy

9-njy aprelde Apple kompaniýasynyň paýnamalarynyň bahasy 15% ýokarlandy – bu 1998-nji ýyldan bäri iň uly bir günlük ösüş boldy. Muňa ABŞ-nyň Prezidenti Donald Trampyň Wýetnam, Hindistan we Tailand ýaly Apple kompaniýasynyň...

09.04.2025 16:15
4.3k+

Microsoft Apple-dan geçip, dünýäniň iň gymmat kompaniýasy adyny gaýtaryp aldy

Apple-yň paýnamalarynyň bahasynyň pese düşmegi, Microsoft-a dünýäniň iň gymmat kompaniýasy bolmaga mümkinçilik berdi. «CNBC-niň» maglumatlaryna görä, soňky dört söwda sessiýasynyň dowamynda Apple-yň paýnamalarynyň...

09.04.2025 13:08
12k+

Mask Tesla-nyň paýnamalarynyň düşmegi we Trampyň salgytlary zerarly $135 mlrd dollaryny ýitirdi

Ilon Mask, 2025-nji ýylyň başyndan bäri, takmynan, 135 mlrd dollaryny ýitirdi. «Seeking Alpha-nyň» maglumatlaryna görä, dünýäniň iň baý adamsynyň baýlygy Tesla-nyň paýnamalarynyň arzanlamagy sebäpli, 2024-nji ýylyň...