ÝUNESKO-nyň işleri barada Türkmenistanyň Milli toparynyň nobatdaky mejlisi geçirildi

  • 22.01.2024 14:27
  • 2.6k+

20-nji ýanwarda Türkmenistanyň Daşary işler ministri Raşid Meredowyň ýolbaşçylygynda ÝUNESKO-nyň işleri barada Türkmenistanyň Milli toparynyň nobatdaky mejlisi geçirildi.

Mejlisiň işine Türkmenistanyň Ministrler Kabinetiniň agzalary, ýurduň degişli ministrlikleriniň we pudak edaralarynyň ýolbaşçylary hem-de wekilleri gatnaşdylar.
R.Meredow duşuşygy açmak bilen, ÝUNESKO-nyň işleri barada pudagara toparyň çäginde 2023-nji ýylyň dowamynda alnyp barylan anyk işleriň netijeleri barada durup geçdi we geljekde amala aşyryljak işleriň ileri tutulýan ugurlaryny belledi.
Duşuşykda 2023-nji ýylyň dowamynda Türkmenistan bilen ÝUNESKO-nyň arasynda 4 sany halkara resminama gol çekilendigi, türkmen halkynyň baý medeni we tebigy mirasyny gorap saklamaga, olaryň halkara derejesindäki ähmiýetini ýokarlandyrmaga gönükdirilen çäreleriň geçirilendigi barada bellenildi.

Türkmenistanyň milli gymmatlyklaryny ÝUNESKO-nyň Bütindünýä mirasynyň sanawyna girizmek boýunça geçirilen bilelikdäki işlere aýratyn üns berildi. Şunuň bilen baglylykda, geçen ýylda «Beýik Ýüpek ýoly: Zarawşan-Garagum geçelgesi» hem-de «Aram guşaklykdaky Turan çölleri» atly köptaraplaýyn hödürnamalary, «Ahalteke atçylyk sungaty we atlary bezemek däpleri» atly milli hödürnama UNESCO-nyň Adamzadyň maddy däl medeni mirasynyň sanawyna girizildi.
Bellenilişi ýaly, Türkmenistan ÝUNESKO-nyň degişli düzüm birliklerindäki wekilçiligini artdyrmaga gönükdirilen işleriň çäklerinde guramanyň Bedentertiýe we sport baradaky Hökümetara komitetine (CIGEPS) 2023-2027-nji ýyllar üçin agzalygyna saýlanyldy.
Şeýle-de, ÝUNESKO-nyň UNITWIN maksatnamasy hem-de Assosirlenen mekdepler tory ugry boýunça hyzmatdaşlygyň çäklerinde ýurdumyzyň ýokary okuw mekdepleriniň ikisinde ÝUNESKO kafedralary açyldy we orta bilim mekdepleriniň 6-sy Guramanyň Assosirlenen mekdepler toruna girizildi. Türkmenistanyň Magtymguly adyndaky Ýaşlar guramasy UNESCO-nyň Bütindünýä Ýaşlar jemgyýetiniň agzalygyna kabul edildi.
Geçen ýylda akyldar şahyr Magtymguly Pyragynyň golýazmalar toplumy ÝUNESKO-nyň «Dünýä hakydasy» maksatnamasynyň Halkara sanawyna we Magtymgulynyň doglan gününiň 300 ýyllygynyň 2024-2025-nji ýyllarda bu Gurama bilen bilelikde bellenilip geçilýän şanly seneleriň sanawyna goşuldy.
Duşuşygyň dowamynda oňa gatnaşyjylar mejlisiň gün-tertibinde duran möhüm meseleler boýunça pikir alyşdylar we 2024-nji ýylda ÝUNESKO bilen bilelikde geçirilmegi göz öňünde tutulýan çärelere taýýarlyk görmegiň ähmiýetine üns çekdiler.
Mejlisiň barşynda ÝUNESKO-nyň işleri barada Türkmenistanyň Milli toparynyň 2024-nji ýyl üçin iş meýilnamasynyň taslamasy hem ara alnyp maslahatlaşyldy diýip, Türkmenistanyň DIM-iniň saýtynda habar berildi.


düýn 19:03
1k+

Aşgabatda Bitarap Türkmenistan şaýoly boýunça ulaglaryň hereketi dolulygyny dikeldildi

Aşgabatda Bitarap Türkmenistan şaýolunyň Atamyrat Nyýazow we Arçabil şaýollarynyň çatrygynyň aralygyndaky ulaglaryň hereketi doly dikeldildi. Bu barada Aşgabat şäher häkimligi habar berýär. Öň, bu bölek 6-njy awgustdan başlap, Türkmenistanyň hemişelik Bitaraplygynyň 30 ýyllyk dabaralaryna taýýarlygyň çäklerinde giň möçberli abadanlaşdyryş işleri üçin bölekleýin ýapylypdy...

düýn 18:56
331

Türkmenistan Astrahan bilen bilelikdäki ulag-logistika taslamalary maslahatlaşdy

Türkmenistanyň wise-premýeri M.Çakyýew Russiýa Federasiýasynyň Astrahan oblastynyň hökümetiniň başlygy Denis Afanasýewiň ýolbaşçylygyndaky wekiliýet bilen duşuşdy. Duşuşykda «Demirgazyk — Günorta» ulag geçelgesiniň çäginde bilelikdäki taslamalaryň durmuşa geçirilmegi ara alnyp maslahatlaşyldy...

düýn 18:24
371

2026-njy ýylda GDA-nyň Hökümet Baştutanlarynyň Geňeşiniň nobatdaky mejlisi Türkmenistanda geçiriler

29-njy sentýabrda Minskide Garaşsyz Döwletleriň Arkalaşygynyň Hökümet Baştutanlarynyň Geňeşiniň nobatdaky mejlisi geçirildi. Oňa Türkmenistandan wise-premýer Hojamyrat Geldimyradow wekilçilik etdi. Mejlisde ykdysady...

düýn 18:18
292

Türkmenistanyň wekiliýeti Barselonada ÝUNESKO-nyň MONDIACULT - 2025 maslahatyna gatnaşýar

Türkmenistanyň wekiliýeti Ispaniýanyň Barselona şäherinde ÝUNESKO-nyň Medeni syýasat we durnukly ösüş boýunça bütindünýä maslahaty (MONDIACULT-2025) geçirilýär. 29-njy sentýabr – 1-nji oktýabr aralygynda dowam edýän maslahatda türkmen wekiliýetine daşary işler ministriniň orunbasary Mähri Bäşimowa ýolbaşçylyk edýär...