4-nji ýanwarda Gurbanguly Berdimuhamedowyň Birleşen Arap Emirlikleriniň Prezidenti Şeýh Mohammed Bin Zaýed Al Nahaýýanyň arasynda geçirilen duşuşygyň barşynda ulag ulgamy mundan beýläkki hyzmatdaşlygyň ileri tutulýan ugurlarynyň biri hökmünde görkezildi.
Türkmenistanyň ulag-logistika üpjünçilik ulgamlaryny mundan beýläk-de döwrebaplaşdyrmak maksady bilen, türkmen ulag agentlikleri «DP World FZE» kompaniýasy hem-de «Abu Dhabi Ports Group» halkara porty bilen bilelikde anyk teklipleri işläp taýýarlaýarlar.
Raýat awiasiýasy ulgamynda hem hyzmatdaşlyk etmek maksady bilen, «Türkmenhowaýollary» agentligi we Birleşen Arap Emirlikleriniň «Dubai Aviation Corporation» (“Flydubai”) kompaniýasynyň arasynda türkmen uçarmanlaryny taýýarlamak boýunça gatnaşyklary ýola goýmak teklip edilýär.
Gurbanguly Berdimuhamedow geljegi uly ugurlar boýunça gatnaşyklary ösdürmek babatda täze anyk başlangyçlary beýan edip, olaryň tiz wagtda iş ýüzünde durmuşa geçirmek üçin emirlikler tarapyndan doly goldawa mynasyp boljakdygyna ynam bildirdi.
