4-nji ýanwarda Birleşen Arap Emirlikleriniň Prezidenti Şeýh Mohammed Bin Zaýed Al Nahaýýan bilen duşuşygynyň barşynda Gurbanguly Berdimuhamedow BAE-niň maliýe guramalary bilen hyzmatdaşlygyň üstünlikli ösdürilýändigini belledi.
Soňky ýyllarda Abu-Dabiniň Ösüş gaznasy bilen Türkmenistanyň Döwlet daşary-ykdysady iş bankynyň arasyndaky hyzmatdaşlygyň netijesinde ýurdumyzda «Türkmenmaýagoýum kompaniýasy» paýdarlar jemgyýeti döredildi. Bu kompaniýa eýýäm geljekde maliýeleşdirmek üçin maýa goýum taslamalaryna seretmäge we olary seçip almaga girişdi.
Mundan başga-da, häzirki döwürde «First Abu Dhabi Bank» we «Emirates NBD Bank» ýaly, iri banklar bilen işewür gatnaşyklary ýola goýuldy.
