Sidneýiň Tehnologiýalar uniwersitetiniň (Awstraliýa) topary innowasion tehnologiýany teklip etdi: olar adam pikirlerini okap we beýni tolkunlaryny sözleýişe öwrüp bilýän emeli aňy tanyşdyrdylar. Bu barada mail.ru «Daily Mail» neşirine salgylanyp habar berýär.
Bu taslama adam pikirlenende beýnide bolup geçýän kesgitli elektrik işjeňligini gözegçilikde saklaýan we ony sözlere öwürýän datçikler bilen örtülen başgaby (şlem) ulanýar. Ilkibaşda bu taslama insult we ysmaz sebäpli gürlemek ukybyny ýitiren näsaglary bejermek üçin oýlanyp tapyldy.
Alymlar synag geçirdiler, onuň dowamynda 29 adama kompýuteriň ekranynda sözlemler görkezildi, olar bolsa ony içlerinden okamalydylar. Emeli aň beýniniň tolkunlaryny tutdy we şifrlenen maglumatlary monitorda görkezdi. Şeýlelik bilen, gatnaşyjylar ilki: «Gündiziňiz haýyrly bolsun! Ýagdaýyňyz gowudyr diýip umyt edýärin. Men kapuçino bilen başlaryn, haýyş edýärin, espresso has köpräk bolsun» diýen ýazgyny gördüler.
Emeli aň muny şeýle terjime etdi: «Gündiziňiz haýyrly bolsun! Ýagdaýlaryňyz nähili? Kapuçino, Xtra shot. Espresso».
Alymlar häzirki wagtda terjime takyklygynyň 40%-digini bellediler, ýöne hünärmenler bu görkezijini 90%-e çenli artdyrmak üçin işlerini dowam etdirýärler.
