Serdar Berdimuhamedow Türkmen-türk işewürlik maslahatynyň açylyş dabarasynda çykyş etdi

  • 26.10.2023 15:47
  • 6.1k+

Şu gün, 26-njy oktýabrda Ankarada Türkmenistanyň Prezidentiniň resmi saparyna gabatlanyp, Türkmen-türk işewürlik maslahaty geçirildi. Türkiýäniň Palatalar we biržalar birleşiginiň merkezi edarasynda geçirilen forumyň açylyş dabarasyna Serdar Berdimuhamedow gatnaşdy. Bu çäräniň maksady özara bähbitlilik esasynda ýola goýlan söwda-ykdysady, maýa goýum hyzmatdaşlygyny hemmetaraplaýyn ösdürmegiň anyk ýollaryny ara alyp maslahatlaşmakdan ybaratdyr.

Işewürlik maslahatynyň geçýän ýerinde Serdar Berdimuhamedow Türkiýäniň Palatalar we biržalar birleşiginiň başlygy hem-de senagat we tehnologiýalar ministri tarapyndan mähirli garşylanyldy. Soňra olar bilelikde bu ýerde guralan Türkmenistanyň önümleriniň sergisine aýlanyp gördüler.
Maksatnama laýyklykda, Serdar Berdimuhamedow Türkmen-türk işewürlik maslahatynyň açylyş dabarasynda çykyş etdi. Döwlet Baştutany söwda-ykdysady ulgamda netijeli gepleşikleriň dowam etdirilmegine gönükdirilen şu gezekki duşuşykda ikitaraplaýyn hereketlere hil taýdan täze itergi berjek, geljekde amala aşyryljak bilelikdäki işler boýunça anyk meselelere seretmäge ýardam etjek pikir alyşmalaryň boljakdygyna ynam bildirdi. Çäräniň giň wekilçilikli düzümi bolsa türk işewür toparlarynyň Türkmenistana uly gyzyklanma bildirýändiklerinden nyşandyr.
Serdar Berdimuhamedow forumda eden çykyşynda ykdysadyýet, maýa goýumlar, energetika, ulag-kommunikasiýa ulgamlarynyň, şunuň bilen birlikde, oba hojalygy, senagat we önümçilik kooperasiýasy pudaklarynyň, ylymdyr tehnikanyň milli ykdysadyýetimiziň ileri tutulýan ugurlarydygyny aýdyp, olar boýunça türkiýeli hyzmatdaşlar bilen özara gatnaşyklary ösdürmek babatda anyk teklipleri öňe sürdi. Hususan-da, Türkiýäniň işewür toparlary «Aşgabat-siti» konsepsiýasyny durmuşa geçirmäge, Arkadag şäheriniň ikinji tapgyrynda guruljak senagat klasteriniň gurluşyklaryna işjeň gatnaşmaga çagyryldy. Şeýle-de döwlet Baştutany bilelikdäki maýa goýum gaznasyny we Maýa goýumlar boýunça bilelikdäki iş toparyny, ulag-logistika merkezini döretmegi teklip edip, Türkmenistanyň türkmen elektrik energiýasynyňdyr tebigy gazynyň Türkiýä iberilmegi boýunça özara hereketlere açykdygyny tassyklady. Çykyşda gyzyklanma bildirilýän başga pudaklarda-da ikitaraplaýyn hyzmatdaşlygyň mümkinçiliklerine üns çekildi.
Serdar Berdimuhamedowyň işewürlik forumyndaky çykyşy tamamlanandan soňra, türk tarapynyň käbir döwlet we hususy düzümleriniň ýolbaşçylary hem çykyş etdiler. Bu barada «Türkmenistan» elektron neşiri habar berdi.


düýn 16:22
2.3k+

Merkezi Aziýa döwletleriniň ilçileri Türkmenistanyň Yslamabatdaky ilçihanasynda teglek stol geçirdiler

26-njy awgustda Türkmenistanyň Pakistan Yslam Respublikasyndaky (Yslamabat şäheri) ilçihanasynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň netijelerine bagyşlanan tegelek stol maslahaty geçirildi...

düýn 16:18
1.9k+

Türkmenistanyň ilçisiniň Irlandiýa iş saparyny amala aşyrdy

25-nji awgustda Türkmenistanyň Irlandiýadaky ilçisi Ýa.Serýaýew (oturýan ýeri London ş.) Dublin şäherine iş saparyny amala aşyrdy. Bu barada Türkmenistanyň DIM-niň saýtynda habar berilýär. Saparyň dowamynda ilçi Irlandiýanyň Daşary işler we söwda ministrliginiň Protokol bölüminiň başlygynyň orunbasary Ralf Wiktor bilen duşuşdy we ynanç hatynyň nusgalaryny gowşurdy...

düýn 15:41
4.8k+

Moskwada Raşid Meredowyň we Sergeý Lawrowyň duşuşygy geçirildi

28-nji awgustda Moskwada Türkmenistanyň daşary işler ministri Raşid Meredow bilen Russiýa Federasiýasynyň daşary işler ministri Sergeý Lawrowyň arasynda duşuşyk geçirildi. Daşary syýasat edaralarynyň ýolbaşçylary çuňňur strategik hyzmatdaşlygyň ýörelgelerine esaslanýan döwletara dialogyň netijeli häsiýetini kanagatlanma bilen bellediler...

28.08.2025 17:40
10k+

Aşgabatda Ankara köçesiniň durkuny täzelemek boýunça tender yglan edildi

Türkmenistanyň Gurluşyk we binagärlik ministrligi Aşgabatda Ankara köçesiniň durkuny täzelemek boýunça halkara bäsleşik yglan etdi. Bu barada «Türkmenistan» gazetinde habar berilýär. Gyzyklanma bildirýän kompaniýalaryň we guramalaryň teklipleri bellenilen tertipde kabul edilýär...