Türkmenistanyň Saglygy goraýyş we derman senagaty ministrligi we Bütindünýä saglygy goraýyş guramasy (BSGG) 2023-nji ýylyň ahyryna çenli we 2024-nji ýylyň birinji ýarymynda Türkmenistanyň çäginde dürli derejeli bilelikdäki çäreleri geçirmegi ylalaşdylar. Bu barada Türkmenistanyň Gazagystandaky ilçihanasynyň Metbugat gullugy habar berdi.
Ylalaşyk Türkmenistanyň saglygy goraýyş we derman senagaty ministriniň orunbasary — Arassaçylyk we keselleriň ýaýramagyna garşy göreş gullugynyň başlygy A.Öwezowyň BSGG-niň Baş direktory Tedros Gebreýesus bilen duşuşygynyň barşynda gazanyldy. Duşuşyk Astanada geçirilen halkara maslahatyň çäklerinde geçirildi.
